Tua bıttı erekşe jan bolsa da, özın jan-jaqty damyta bılgen Qyzylorda oblysynyŋ tumasy käsıpker ärı aqyn Quanyş Nūrjıgıtovpen “Jastardy äleumettendıru jäne oŋaltu” jobasy aiasynda, “NEET Jastardyŋ qūndylyǧy” taqyrybyndaǧy kezdesu öttı. Būl joba QR Aqparat jäne qoǧamdyq damu ministrlıgı men “Azamattyq bastamalardy qoldau ortalyǧynyŋ” qoldauymen ıske asuda.
“Adyrna” ūlttyq portalynyŋ prezidentı Arman Äubäkır kezdesu barysynda Quanyş Nūrjıgıtovke “Alǧys hat” berdı.
Jas käsıpker ärı öner jolyna qadam basqan jas aqyn Quanyş myrza “Adyrna” tılşısıne de qysqa sūhbat berdı.
-Quanyş myrza, özıŋızdı oqyrmandarǧa tolyǧyraq tanystyra ketseŋız?
-Bız osydan 2 jyl būryn anam ekeumız qūrt önımderın satatyn “Aq jailau” atty dükenımızdı aşqan bolatynbyz.
Käsıpten bölek qazır öner salasynda da jürmın. Arasynda öleŋ jazatyn qasietım de bar.
Özım tört aǧaiyndymyn. Jasym 20 da, bırınşı toptaǧy mügedek janmyn.
Qazır käsıbım kışkene toqtap tūr, alaida ärı qarai jalǧastyramyn. Öner jaǧyna keler bolsaq, jetken jetıstıkterım köp. Diplomdarym bar. Öleŋ jazyp jürgenıme 3 jyldai bolyp qaldy. Tuǧan künım tamyzdyŋ 12-sı. Soǧan orai, Qyzylorda jastary ortalyǧynda şyǧarmaşylyq keşım bolady. Qazır soǧan daiyndyq qyzu jürıp jatyr.
-Qazırgı taŋda, qandai arman, maqsatyŋyz bar?
-Atyraudanmyn dedıŋız ǧoi iä, qatelespesem, Maŋǧystau sızderge jaqyn ǧoi?
Sol Maŋǧystaudan şyqqan Mūrat Qoja, Aigül Qosanova, Aqylbek Jemenei aǧalarymyzdyŋ änderın tyŋdaimyn. Sol kısılerdıŋ änderın tyŋdap östım. Izderın basyp kele jatyrmyn.
Menıŋ armanym, Aqylbek Jemenei aǧammen kezdessem dep oilap jür edım. Aǧammen bır sahnada än aitqym keledı. Änderın jatqa bılemın. Elge tanymal änderı öte köp qoi.
-Özıŋız sahnamen dossyz ba?
-Men de sahnaǧa şyǧyp jürgen änşımın. Qyzylordada ötken mümkındıgı şekteulı jandardyŋ arasynda ötken “Jıgıt sūltany” baiqauynyŋ jeŋımpazymyn.
-Özıŋızdı jan-jaqty damytqan ekensız. Özıŋız sekıldı jas buynǧa qandai keŋes aitasyz?
-Arzan külkıge keletın bolsaq, bızge onyŋ eş qajetı joq. Qazırgı jastar arzan külkıge qarq bolyp, adamdardy şettetıp, mazaqtap jatady. Ony qūptamaimyn.
Köbıne jastar şeteldıŋ änderın änderın köp tyŋdaidy. Onyŋ bızge qajetı şamaly. Öitkenı, onyŋ ornyna qazaqtyŋ halyq änderın, dästürlı änderın, dombyrasyn tyŋdau kerek dep oilaimyn.
Özım üide bos uaqytymda, käsıpten bölek, dombyra tartamyn. Jas aitysker aqynmyn. Bıraz aqyndarmen kezdeskenmın.
Atyraudan qatelespesem, İsahaev Salauat degen aǧamyz bar. Jatqan jerı jaily bolsyn. Keremet aitysker edı...
Jalpy, jastarǧa aitarym, şetelge elıktegenşe, qazaqtyŋ öz änderımen susyndaǧan jön.
Bäleden aulaq bop, jamandyqqa ermei, jaqsylyqqa ılesken öte dūrys qadam.
Bıreudıŋ aqylyn tyŋdaǧanşa, öz aqylymyzdy paidalanyp, öz erkındıgımız boluy kerek.
Otanymyz özım siiaqty el jastarynan ülken ümıt kütıp otyr.
Prezidentımız aitqandai, Jaŋa Qazaqstanda jaŋa özgerıster boluy kerek.
https://youtu.be/91ev7dun5VkSūhbattasqanyŋyzǧa raqmet!
“Adyrna” ūlttyq portaly
