Qazaqstanda jazasyn ötep jatqan eŋ egde adam bostandyqqa şyǧuǧa daiyndalyp jatyr. Būl turaly Işkı ıster ministrlıgıne qarasty Qylmystyq-atqaru jüiesı komitetı Tengrinews.kz-ke bergen jauabynda aitty, dep habarlaidy «Adyrna» tılşısı.
«1942 jyly tuǧan er adamnyŋ jaza merzımı 2027 jyly aiaqtalady. Türmeden şyqqan kezde ol 85 jasqa tolady»,-delıngen habarlamala.
Qazırgı taŋda Qazaqstannyŋ qylmystyq-atqaru jüiesı mekemelerınde 70 jastan asqan şamamen 100-ge juyq sottalǧan adam bar.
Komitet mälımetınşe, būl azamattar jazasyn jalpy negızde öteidı. Qajet bolǧan jaǧdaida olarǧa memleket kepıldık bergen tegın medisinalyq kömektıŋ kölemı aiasynda medisinalyq qyzmet körsetıledı.
Būǧan deiın jelıde Aqmola oblysynda tūratyn 89 jastaǧy äieldıŋ sottalyp, oǧan tüzetu jūmystary taǧaiyndalǧany turaly aqparat taraǧan edı. Alaida sottyŋ baspasöz qyzmetı būl mälımettı joqqa şyǧardy. Olardyŋ aituynşa, qart äiel men onyŋ 72 jastaǧy jienı qasaqana jeŋıl dene jaraqatyn salǧany üşın sottalǧan: zeinetkerler podezde tuysyn soqqyǧa jyqqan. Ekeuıne de 7 aiǧa bas bostandyǧyn şekteu jazasy berılıp, mınez-qūlqyna probasiialyq baqylau belgılengen.
