Täuelsızdıktıŋ 30 jyldyǧy qarsaŋynda Şymkent qalasynda biyl kommunaldyq tūrǧyn üi qoryndaǧy 10 köpqabatty tūrǧyn üige aǧymdaǧy jöndeu jūmystary jürgızıledı. Olardyŋ qatarynda Nūrsat şaǧyn audanynda ornalasqan №134A, 134B, 135A, 135B, 135V, 212, 216, 14 jäne Jeltoqsan köşesındegı №19, 19A üiler bar. Jöndeu jūmystary barysynda būl üilerdıŋ şatyry auystyrylyp, qasbetı jaŋartylmaq.
Qazırgı taŋda jöndeu jūmystaryn jürgızu üşın biudjetten qarajat bölınıp, memlekettık satyp alu konkurstary jariialandy. Merdıger mekeme anyqtalǧan jaǧdaida jöndeu jūmystary jyl soŋyna deiın aiaqtalady dep josparlanuda.
Aita ketu kerek, aǧymdaǧy jöndeu – ǧimarattar men injenerlık jabdyqtardyŋ bölıkterın merzımınen būryn tozudan jüielı jäne uaqtyly qorǧauǧa baǧyttalǧan būzyludyŋ aldyn alu jäne ūsaq zaqymdanular men aqaulardy joiu jolymen jasalatyn tehnikalyq ıs-şaralar keşenı.
Ūqsas jaŋalyqtar
