جەردىڭ يادروسى ءبىر شەتىنە قاراي ءوسىپ جاتىر. عالىمدار وسىلاي دەپ دابىل قاعىپ جاتىر. جەر شارىنىڭ شىعىس جاعىنداعى يندونەزيانىڭ باندا تەڭىزىنىڭ تۇسى باتىس بولىگىندە ورنالاسقان برازيليا جاعىنداعى تۇسىمەن سالىستىرعاندا الدەقايدا سىرتقا اۋىتقىپ شىعىپ كەتكەن.
جاڭا زەرتتەۋلەر كورسەتكەندەي، جەر يادروسىنىڭ ءبىر شەتىنە قاراي اۋىتقىپ ءوسىپ جاتقانى جەردىڭ جارالعانىنان باستاپ قازىرگى ەراعا دەيىنگى زەرتتەۋلەرىن قايتا قاراۋعا يتەرمەلەپ وتىر.
جەردىڭ قاتتى مەتاللدى يادروسى جەر بەتىنەن 5000 شاقىرىم تەرەڭدىكتە ورنالاسقان. ال عالىمدار جەر يادروسىنىڭ قاشان قالىپتاسقانى جونىندە ءالى كۇنگە دەيىن تارتىسىپ كەلەدى.
قازىرگى عىلىمنىڭ بولجاۋىنشا، جەردىڭ يادروسى وسىدان 4,5 ميلليارد جىل بۇرىن قالىپتاسقان. ال، تولىق قالىپتاسۋ پروتسەسى 200 ميلليون جىلعا سوزىلعان.
مەتالل يادرو كۇن جۇيەسىندەگى پلانەتالاردى تارتىلىس كۇشى ارقىلى وزىنە تارتۋ مەن قالىپتى ۇستاپ تۇرۋ فۋنكتسياسىن دا اتقارادى. تارتىلىس كۇشى ارقىلى جەردىڭ يادروسىنان سيليكاتتى مينەرالدار دا بولىنەدى.
بەكبولات قارجان،
"ادىرنا" ۇلتتىق پورتالى
