بۇگىن -قازاقستاننىڭ تۇڭعىش «Kazsat» جەر سەرىگى وربيتاعا ءساتتى كوتەرىلگەن كۇن، دەپ حابارلايدى "ادىرنا" ۇلتتىق پورتالى.
قازاقستاننىڭ تۇڭعىش «Kazsat» بايلانىس جانە حابار تاراتۋ گەوستاتسيونارلىق جەر سەرىگى 2006 جىلعى 18 ماۋسىمدا 4 ساعات 44 مينۋتتا بايقوڭىر ايلاعىنان عارىشقا ۇشىرىلعان بولاتىن. قازاقستان رەسپۋبليكاسىنىڭ ەكس-پرەزيدەنتى نۇرسۇلتان نازارباەۆ پەن رەسەي فەدەراتسياسىنىڭ پرەزيدەنتى ۆلاديمير پۋتين قازاقستاننىڭ تۇڭعىش «Kazsat» جەر سەرىگىن ۇشىرۋ راسىمىنە قاتىستى.
جەر سەرىگىن ۇشىرۋدىڭ بارلىق كەزەڭدەرى ءساتتى ءوتىپ، زىمىران وربيتاعا كوتەرىلگەن ەدى. الايدا ول ءبىرىنشى جانە ەڭ شۋلى قازاقستاندىق سپۋتنيك بولعان. Kazsat-تىڭ قىزمەت ەتۋ مەرزىمى 10 جىلدان 12 جىلعا دەيىن دەپ بولجانعان. سپۋتنيك قۇنى - 65 ميلليون دوللار.
رەسپۋبليكالىق عارىشتىق بايلانىس ورتالىعى تاراتقان حابارلامادا ۇكىمەتتىڭ قاۋلىسىنا بايلانىستى 2009 جىلدىڭ 6-13 تامىزى ارالىعىندا عارىش اپپاراتى جوعالعان.
وعان دەيىن، KazSat-1 جەر سەرىگى حرۋنيچەۆ ورتالىعىندا قازاقستاننىڭ تاپسىرىسى بويىنشا جاسالعان. ونىڭ كەپىلدەندىرىلگەن قىزمەت ەتۋ مەرزىمى ون جىل بولۋى كەرەك ەدى. 2006 جىلدىڭ ماۋسىم ايىندا اپپارات وربيتاعا شىعارىلعان. الايدا، KazSat-1 2008 جىلدىڭ ماۋسىمىندا ىستەن شىقتى.
