بيىل حالقىمىزدىڭ ءبىرتۋار پەرزەنتى، قازاق جازبا ادەبيەتىنىڭ نەگىزىن قالاۋشى، دانىشپان، عۇلاما-ويشىل، ۇلى اقىنىمىز اباي قۇانانبايۇلىنىڭ 175 جىلدىق مەرەيتويى.
ۇلى ويشىلدىڭ عيبراتتى ءومىرى مەن شىنايى شىعارماشىلىعىن ۇلت بولىپ بىرلەسىپ، ەل بولىپ دامۋىمىزعا جول اشاتىن قۇندىلىققا اينالدىرۋىمىز قاجەت. اتامىزدىڭ "قارا سوزدەرى", وي-تۇجىرىمدارى ءالى كۇنگە وزەكتىلىگىن جويعان ەمەس. وندا ۇلت بولمىسى، تۇرمىس تىرشىلىگى، دۇنيەتانىمى، مىنەزى، جانى، ءدىنى، ءدىلى، ءتىلى، رۋحى كورىنىس تاباتىنى بارشامىزعا ءمالىم.
جالپى ءومىردىڭ قاي سالاسىندا دا ابايدىڭ اقىلىن الساڭ، ايتقانىن ىستەسەڭ، ەل رەتىندە ەڭسەلەنەمىز، مەملەكەت رەتىندە مۇراتقا جەتەمىز.
ابايدىڭ ءسوزى مەن ويى ءبىزدىڭ كۇنبە-كۇنگى تىرلىگىمىزگە وركەندى ومىرىمىزگە كىرپىش بولىپ قالانىپ، بۇگىنگى وركەنيەت پەن الداعى بولاشاق تالابىنا لايىق ۇمتىلماس تاريح شەڭبەرى بولىپ قالاتىنى ءسوزسىز.
بۇل كۇندە اباي ءسوزى ءار قازاقتىڭ اعزاسىنا انا سۇتىمەن بىرگە داريدى دەسەك ارتىق ايتىلعاندىق ەمەس. انا ءسۇتى ءتان قورەگى رەتىندە جاس ءسابيدىڭ بۋىنى بەكىپ، بۇعاناسى قاتايۋىنا قىزمەت ەتسە، اقىن ءسوزى ونىڭ ساناسىنا ادامدىق پەن ازاماتتىقتىڭ ۇرىعىن سەۋىپ قىزمەت ەتەدى. اتامىزدىڭ ولەڭدەرىن وقىساڭ بيىگى جوعارى اقىن بولعانىن تۇسىنەسىڭ. تىلگە اۋىر، ارعى جاعىندا وي سالارلىق ءزىلى بار ولەڭدەر. سول ءۇشىن دە قازاقتىڭ ماڭدايىنا بىتكەن ۇلى تۇلعا دەر ەدىم.
ءنۇردارى حۋۆلايحان
