ءۇي گۇلدەرى بولمە مەن كەڭسەلەردى بەزەندىرىپ قانا قويماي، اۋانى وتتەگىمەن قانىقتاندىرادى. سونىمەن قاتار، زياندى زاتتاردى وزىنە ءسىڭىرىپ، سۋىق تيۋ مەن دەپرەسسيادان قورعايدى. «ادىرنا» ۇلتتىق پورتالى بولمەگە اسا قاجەت ءۇي گۇلدەرىن نازارلارىڭىزعا ۇسىنادى:
الوە
بۇل ءۇي گۇلى لينولەۋم شىعاراتىن زياندى زاتتاردى ءوز بويىنا سىڭىرەدى. تۇندە وتتەگىنى كوپ وندىرەدى،سول سەبەپتى ونى جاتىن بولمەگە قويعان دۇرىس. ەجەلگى زاماننان باستاپ ادامدار الوەنى ساتتىلىك اكەلەدى، جامان ادامدار مەن زۇلىم كۇشتەردەن قورعايدى دەپ سەنگەن. بۇل گۇل قوناقتاردى ۇناتپايدى، سوندىقتان وسىمدىكتى كوزگە كورىنبەيتىن ەتىپ جاسىرعان دۇرىس. گۇلدىڭ كوپ قىرلى دارىلىك قاسيەتتەرىن ايتپاۋ مۇمكىن ەمەس. الوە - ۇيدەگى جەدەل جاردەم. ونىڭ شىرىنى باس اۋرۋىن، اس قورىتۋ جولدارىنىڭ اۋرۋلارىن ەمدەۋدە قولدانىلادى.
گەران ( پەلارگونيا )
گەران - قاراپايىم جانە تاڭقالارلىق پايدالى گۇل. ونىڭ جاپىراقتارىنان كومپرەسس جاساۋ ارقىلى مۇرىن، وتيت، باس اۋرۋى جانە دەنە جارالارىن ەمدەۋگە بولادى . ال شىرىنىنان ەمدىك بالزام جاسايدى. قىزعىلت، قىزىل جانە اق گۇلدەرمەن گۇلدەيتىن، جالبىز، راۋشان، ليمون، الما جانە سيرەن يىستەرىن شاشاتىن بۇل تاماشا وسىمدىك بۇگىندە وتە جوعارى باعالانادى. گەران ءسىزدىڭ ءۇيىڭىزدى ساندەپ قانا قويمايدى. گۇل توقتاپ قالعان اۋانى سەرگىتىپ، ونى ىلعال مەن پاتوگەندىك ميكروبتاردان ساقتايدى، ال جازدا شىبىنداردى قورقىتادى. گۇلدى اس ءۇي مەن جاتىن بولمەگە قويۋعا بولادى.
كاكتۋس
بۇل ەكزوتيكالىق وسىمدىكتى ەجەلگى ۋاقىتتا تاعام رەتىندە جەگەن. ودان ءدارى-دارمەكتەر جاسالىپ، ينەلەرى ءتىس تازارتقىش رەتىندە قولدانىلعان. فەن ءشۋيدىڭ ايتۋىنشا، بۇل گۇل جيناقتاۋدى بەينەلەيدى، ويتكەنى ول ىلعالدى وتە ۇنەمدى جۇمساۋدى بىلەدى. ەڭ باستىسى - وسىمدىكتى تىكەندى كومەكشىدەن ەنەرگەتيكالىق ۆامپيرگە اينالدىرماس ءۇشىن ۋاقتىلى سۋارىپ تۇرۋ كەرەك. كاكتۋستى جاتىن بولمەگە قويۋعا بولمايدى، بىراق ول كەڭسەدە مىندەتتى تۇردە بولۋى كەرەك.
فيالكا
جىل بويى گۇلدەيتىن سەنپوليس ۇيدەگى اتموسفەراعا جاعىمدى اسەر ەتەدى: ادامنىڭ ءىس-ارەكەتكە دەگەن ىنتاسىن وياتادى، ادەپتىلىك پەن تىرشىلىكتى دامىتادى، ۇيگە قۋانىش پەن ۇيلەسىمدىلىك اكەلەدى. اق سەنپوليانى كەز-كەلگەن بولمەگە ورنالاستىرۋعا بولادى. ول ادامدى تىنىشتاندىرىپ، الاڭداۋشىلىق پەن مازاسىزدىقتى كەتىرەدى. اسۇيگە قىزعىلت جانە قىزىل سەنپولداردى قويۋ كەرەك. كۇلگىن ءتۇستى فيالكالار شىعارماشىلىق ادامدارىنا وتە پايدالى. بۇل گۇلدەر كەڭىستىكتى شىعارماشىلىق قۋاتپەن تولتىرىپ، ادامنىڭ شابىتىن اشۋعا كومەكتەسەدى.
ازاليا
ازاليا ءوز يەلەرىن ءتىپتى قىستا گۇلدەيتىن نازىك بۇرشىكتەرىمەن قۋانتادى. ول كوزدىڭ شارشاۋىن باسادى، ۇيقىسىزدىق پەن كومپيۋتەردە ۇزاق جۇمىس جاساۋدىڭ سالدارىنان بولاتىن قابىنۋدى جويادى. ساراپشىلاردىڭ پىكىرىنشە، بۇل گۇل كورۋ قابىلەتىن جاقسارتادى.
سپاتيفيللۋم
حالىق بۇل گۇلدى «ايەل باقىتى» دەپ اتايدى. سپاتيفيللۋم ادامنىڭ جەكە ومىرىنە ساتتىلىك اكەلەدى دەگەن تۇسىنىك بار : تۇرمىسقا شىقپاعان قىزدارعا وتباسى قۇرۋعا، ۇيلەنگەن ادامدارعا كەلىسىم ورناتۋعا كومەكتەسەدى.سانسەۆەريا وتتەگىنىڭ كوپ مولشەرىن شىعارادى، لينولەۋم مەن سينتەتيكا شىعاراتىن توكسيندەردەن قورعايدى، يممۋنيتەتتى جوعارلاتادى.
دايىنداعان : ديانا اسانوۆا,
«ادىرنا» ۇلتتىق پورتالى
