قازاقستاننىڭ سىرتقى ىستەر مينيسترلىگى رەسەيدە “تەرروريزمدى ناسيحاتتادى جانە اقتادى” دەگەن ايىپپەن ۇستالعان قازاقستاندىق ستۋدەنتكە قاتىستى اقپاراتتى تەكسەرىپ جاتقانىن مالىمدەدى، دەپ حابارلايدى “ادىرنا” ۇلتتىق پورتالى.
بۇعان دەيىن سانكت-پەتەربۋرگتەگى رف تەرگەۋ كوميتەتىنىڭ باس تەرگەۋ باسقارماسى شەتەلدىك ستۋدەنتتىڭ ۇستالعانى جونىندە اقپارات تاراتتى. باسقارما ۇستالعان ادامنىڭ ازاماتتىعىن ناقتىلاماعانىمەن، وعان رف قك 205.2-بابىنىڭ 2-بولىگى («تەرروريستىك ارەكەتتى جاريا تۇردە اقتاۋ جانە ناسيحاتتاۋ») بويىنشا ايىپ تاعىلىپ وتىرعانىن حابارلادى.
تەرگەۋ ورگاندارىنىڭ ايتۋىنشا، ۇستالعان ستۋدەنت قاڭتار-اقپان ايلارىندا "جۇمىسشىلار بيلىگى" ۇيىمىنىڭ سەزىندە "تەرروريزمدى اقتايتىن ۇراندار" كوتەرگەن. ءتىنتۋ كەزىندە ودان "پروپاگانديستىك ادەبيەت" تاركىلەنگەن. ۆەدومستۆو شەتەل ستۋدەنتىنىڭ قاي ەلدەن كەلگەنىن ايتپادى.
"روتوندا" سايتىنىڭ جازۋىنشا، ۇستالعان ادامنىڭ اتى-ءجونى – گارري ازاريان، 23 جاستا، قازاقستان ازاماتى. قۇقىق قورعاۋشىلاردىڭ دەرەگىنە سۇيەنگەن كۇشتىك قۇرىلىم وكىلدەرى ستۋدەنتتەر ولەگ رۋبيش، يرادا يبراگيموۆا،
اقپاراتقا قاراعاندا، ازاريان ستۋدەنتتەردىڭ بەيرەسمي جيىنىندا “رەۆوليۋتسيا، تاپتىق جەككورۋشىلىك، كوشەنىڭ كۇشى” تۋرالى ايتقان. تەرگەۋشىلەر ونىڭ بۇل سوزىنەن مەملەكەتتىك قۇرىلىمدى كۇشتەپ وزگەرتۋ مەن بيلىكتى اۋىستىرۋعا شاقىرۋ بەلگىلەرىن كورگەن.
"جۇمىسشىلار بيلىگى" ۇيىمى تۋرالى ءساۋىر ايىنىڭ سوڭىندا رەسەيدىڭ بيلىكشىل باسىلىمدارى جازعان. ريا نوۆوستي سۇحبات العانداردىڭ ءبىرى "جۇمىسشىلار پارتياسىن"" ۇلىبريتانيادان باسقارىلاتىن جانە جاعدايى جاقسى جۇمىس ىستەمەيتىن ستۋدەنتتەردەن جاساقتالعان ستۋدەنتتەر توبى" دەپ سيپاتتاعان.
اگەنتتىك مالىمەتىنشە، «جاس رەۆوليۋتسيونەرلەر» 18 جاسقا تولعان بويدا ءوز توبىن قۇرىپ، سولشىل راديكالدى «كوممۋنيستەر-ينتەرناتسيوناليستەر ۇيىمىنىڭ» قولداۋىنا يە بولعان. بۇل ۇيىم ۇلىبريتانيادا ورنالاسقان، تروتسكيزمدى جاقتايتىن يدەولوگ الان ۆۋدس باسقاراتىن حالىقارالىق وداق قۇرامىنا كىرەدى.
