وق جاراقاتىمەن اۋرۋحاناعا جەتكىزىلگەن شىمكەنت قالاسى اكىمىنىڭ ورىنباسارى رۋسلان بەردەنوۆكە شۇعىل تۇردە وتا جاسالدى. بۇل تۋرالى قالالىق دەنساۋلىق ساقتاۋ باسقارماسى جاريالادى، دەپ حابارلايدى “ادىرنا” ۇلتتىق پورتالى.
ۆەدومستۆونىڭ مالىمەتىنشە، وپەراتسيا كەزىندە قان كەتۋ توقتاتىلىپ، جاراقات سالدارىنان كەلگەن زاقىم قالپىنا كەلتىرىلگەن. قازىر شەنەۋنىكتىڭ ومىرىنە قاۋىپ جوق.
«پاتسيەنتتىڭ جاعدايى – تۇراقتى اۋىر. ناۋقاس دارىگەرلەردىڭ ءجىتى باقىلاۋىندا. بارلىق قاجەتتى مەديتسينالىق كومەك كورسەتىلىپ جاتىر»،
– دەلىنگەن رەسمي حابارلامادا.
ەسكە سالايىق، وق اتۋ وقيعاسى 21 ءساۋىر كۇنى ساعات 20:30 شاماسىندا اكىمدىك عيماراتىنىڭ ماڭىندا بولعان. پوليتسيانىڭ حابارلاۋىنشا، بەردەنوۆ «سايگا-12» ماركالى قارۋدان ءۇش رەت وق جاراقاتىن العان – جامباس پەن يىعىنا تيگەن. وق اتقان كۇدىكتى ۇستالىپ، ۋاقىتشا قاماۋ يزولياتورىنا قامالدى. كۇدىكتىنىڭ كىم ەكەنى تۋرالى دا اقپاراتتار تاراۋدا.
ۇقساس جاڭالىقتار