اقش-تا وتكەن پرەزيدەنت سايلاۋىندا جەڭىسكە جەتكەن دونالد ترامپ اق ۇيدە قازىرگى پرەزيدەنت دجو بايدەنمەن كەزدەستى، دەپ حابارلايدى "ادىرنا" ۇلتتىق پورتالى ۆۆس-گە سىلتەپ.
كەزدەسۋ كەزىندە بايدەن كەلەسى پرەزيدەنتكە بيلىكتى بەيبىت تۇردە تابىستاۋعا نيەتتى ەكەنىن ايتسا، ال ترامپ بۇل پروتسەسس «مۇمكىندىگىنشە ءساتتى وتكەنىن» جەتكىزدى.
«قۇرمەتتى سايلانعان پرەزيدەنت جانە بۇرىنعى پرەزيدەنت دونالد، ءسىزدى قۇتتىقتايمىن! ءبىز بيلىكتىڭ بەيبىت تۇردە تابىستالۋىن قامتاماسىز ەتكىمىز كەلەدى جانە سىزگە قاجەتتى جاعدايدىڭ ءبارىن جاساۋعا دايىنبىز، — دەدى بايدەن ترامپقا. — بۇگىن ءبىز وسى ماسەلەلەردى تالقىلاي الامىز. قوش كەلدىڭىز جانە قايتا ورالۋىڭىزبەن قۇتتىقتايمىن!»
ەكى ساياساتكەر قول الىسىپ:
«ساياسات – قاتال دۇنيە، ال جالپى ءومىر دە كوپ جاعدايدا جايلى ەمەس. بىراق بۇگىن بۇل كۇن ەرەكشە، جانە مەن مۇنى جوعارى باعالايمىن»، — دەدى ترامپ.
سايلاۋالدى ناۋقان كەزىندە ترامپ پەن بايدەن ءبىر-بىرىنە قاتتى سىن ايتقان بولاتىن. سوڭعى رەت ولار ماۋسىم ايىندا وتكەن دەباتتا كەزدەسكەن ەدى. سول دەباتتاردان كەيىن بايدەن جاسىنا جانە پرەزيدەنتتىك مىندەتتەرىن اتقارۋ قابىلەتىنە قاتىستى الاڭداۋشىلىقتاردان كەيىن سايلاۋ دوداسىنان شىعىپ كەتكەن.
سايلانعان پرەزيدەنتتىڭ قىزمەتتەن كەتىپ جاتقان پرەزيدەنتپەن كەزدەسۋى – امەريكاندىق ساياسي ومىردەگى ەجەلگى ءداستۇر.
