استانا – قاراعاندى باعىتىنداعى جولاۋشىلار پويىزىندا ءورت شىقتى

استانا – قاراعاندى تەمىرجول ۋچاسكەسىندە جەكەمەنشىك جولاۋشىلار پويىزىنىڭ ۆاگونىندا ءورت شىقتى، دەپ حابارلايدى "ادىرنا" ۇلتتىق پورتالى. بۇل تۋرالى اقپاراتتى "قازاقستان تەمىر جولى" ۇلتتىق كومپانياسىنىڭ ءباسپاسوز قىزمەتى راستادى. 22 ناۋرىز كۇنى ساعات 11:13-تە قوستاناي – الماتى باعىتىندا قاتىناپ جۇرگەن №44 "تۋركسيب استانا" جەكەمەنشىك جولاۋشىلار پويىزىنىڭ ۆاگونىندا ءتۇتىن بايقالعان. توتەنشە جاعداي ورىن العان سوڭ، زارداپ شەككەندەر مەن قۇرباندار جوق ەكەنى حابارلاندى. ءورت شىققان ۆاگون دەرەۋ قۇرامنان اجىراتىلدى. وقيعا ورنىنا استانا ستانتسياسىنان ارنايى ءورت ءسوندىرۋ پويىزى جىبەرىلىپ، تەمىرجول قىزمەتكەرلەرى مەن توتەنشە جاعدايلار دەپارتامەنتىنىڭ (تجد) ماماندارى ءتىلسىز جاۋدى اۋىزدىقتادى. قازىرگى ۋاقىتتا ءورتتىڭ شىعۋ سەبەپتەرى مەن ءمان-جايى انىقتالۋدا.