اكىمسىز قالعان ەكى وبلىس ءماسليحاتىنىڭ دەپۋتاتتارى كەزەكتەن تىس سەسسياعا شاقىرىلدى. بۇل تۋرالى اباي وبلىسى ماسليحاتىنىڭ سايتىندا جاريالانعان، دەپ حابارلايدى “ادىرنا” ۇلتتىق پورتالى.
«قازاقستان رەسپۋبليكاسىنىڭ پرەزيدەنتى 2022 جىلعى 8 ماۋسىمداعى №912 جارلىعىمەن بەكىتىلگەن وبلىس، رەسپۋبليكالىق ماڭىزى بار قالا جانە استانا اكىمىن تاعايىنداۋعا دەپۋتاتتاردىڭ كەلىسىم بەرۋ ەرەجەلەرىنىڭ 5,6-تارماقتارىنا سايكەس اباي وبلىسىنداعى ماسليحات دەپۋتاتتارىنىڭ جينالىسى 2025 جىلعى 17 اقپان كۇنى ساعات 12.30-دا سەمەي قالاسىنداعى اباي اتىنداعى تەاتردىڭ ۇلكەن زالىندا وتەدى»، – دەلىنگەن اباي وبلىسى ماسليحاتىنىڭ سايتىندا جاريالانعان حابارلامادا.
ۇقساس حابارلاما شىعىس قازاقستان وبلىسى ماسليحاتىنىڭ سايتىندا دا جاريالاندى، وندا سەسسيا 2,5 ساعات ەرتەرەك – 10.00-دە باستالاتىنى ايتىلعان.
ەسكە سالا كەتسەك، 14 اقپاندا پرەزيدەنت قاسىم-جومارت توقاەۆ ەرمەك كوشەرباەۆتى شىعىس قازاقستان وبلىسىنىڭ اكىمى لاۋازىمىنان بوساتىپ، نۇرلان ۇرانحاەۆتى اباي وبلىسىنىڭ اكىمى قىزمەتىنەن بوساتتى. سونىمەن قاتار، كوشەرباەۆ ۆيتسە-پرەمەر قىزمەتىنە تاعايىندالدى.
