حالىقتىڭ الەۋمەتتىك قورعالماعان توپتارىنا جاتاتىن 20 وتباسىنا جاڭا پاتەرلەردىڭ كىلتتەرىن تاپسىرۋ سالتاناتى ءوتتى.
ازاماتتاردىڭ الەۋمەتتىك قورعالماعان ساناتتارىن قولداۋ – مەملەكەتتىك ساياساتتىڭ باستى باسىمدىقتارىنىڭ ءبىرى. كوپتەگەن جاڭا پاتەر يەلەرى ءۇشىن بۇل كۇن جاڭا ءومىردىڭ باستاماسى بولىپ تابىلادى. ءبىز بۇل باعىتتا جۇمىستى ءارى قاراي جالعاستىرامىز.
تۇرعىن ۇيمەن قامتاماسىز ەتۋ جۇمىستارى الداعى ۋاقىتتا جالعاساتىن بولادى. جوسپاردا جاڭا تۇرعىن ۇيلەر سالۋ جانە حالىقتىڭ ءارتۇرلى ساناتتارى ءۇشىن قولداۋ باعدارلامالارىن كەڭەيتۋ قاراستىرىلعان. ماسەلەن، بيىل بارلىق قارجىلاندىرۋ كوزدەرىنەن 306,8 مىڭ شارشى مەتر تۇرعىن ءۇيدى پايدالانۋعا بەرۋ جوسپارلانۋدا.
بۇگىنگى تاڭدا وسكەمەندە تۇرعىن ءۇي الۋعا كەزەكتە 11 950 ادام تۇر. ولاردىڭ ىشىندە – 2 130 جەتىم جانە اتا-اناسىنىڭ قامقورلىعىنسىز قالعان بالالار، 1 487 كوپبالالى وتباسى، 4 666 حالىقتىڭ الەۋمەتتىك وسال توپتارىنىڭ وكىلدەرى، جالعىز تۇرعىن ءۇيى اپاتتى دەپ تانىلعان 121 ازامات، سونداي-اق 3 546 مەملەكەتتىك قىزمەتشى مەن بيۋدجەت سالاسىنىڭ قىزمەتكەرلەرى.
