پاۆلوداردا ورمان ماڭىنان ءۇي-كۇيى جوق وتباسى تابىلدى، دەپ حابارلايدى "ادىرنا" ۇلتتىق پورتالى Stan.kz-كە سىلتەپ.
جەرگىلىكتى تۇرعىندار پاۆلودار وبلىسى كەمەڭگەر اۋىلىندا جەردە ۇيىقتاپ جاتقان 6 بالا مەن اتا-اناسىن بايقاپ، جاي-كۇيىن بەينەگە ءتۇسىرىپ العان.
كادردا ايەلدىڭ وتباسى پاۆلوداردا ءۇي جالداپ تۇرعانىن، ءۇي يەسى ونى ساتىپ جىبەرگەنىن جانە ولار كراسنوارمەيكا، قازىرگى كەمەڭگەر اۋىلىنا كەلگەنىن ايتقان. مۇندا ولار اتالمىش اۋىلدان بىرنەشە شاقىرىم جەردە تۇراقتاعانىن بايقاعان.
وتباسى ورمان ىشىندە جۇرگەنىن ايتادى.
"شىنىمدى ايتايىن، ءبارى مەنىڭ بالالارىم. ءبىز ولارمەن ءالى سەرۋەندەۋىمىز كەرەك. ءبىز قازىر تۇرىپ، ارى قاراي جۇرەمىز. ءبىزدى ەشكىم ەستىمەسىن دەپ ادەيى كەتىپ جاتىرمىز", – دەپ ءتۇسىندىردى اكەسى. اتا-انا بالالارىنىڭ بىرەۋىنىڭ اۋتيزممەن اۋىراتىنىن ايتادى.
بەينەجازبانى تۇسىرگەن ەر ادام بالالاردىڭ ءبىرىنىڭ بەتىنە نەلىكتەن قان كەتكەنىن سۇراعاندا ايەل ابدىراپ، انىق جاۋاپ بەرە الماعان.
ء"بىز سەرۋەندەپ جۇردىك، سوسىن بالالار ۇيىقتاپ قالدى. كۇن ىسىپ كەتكەندىكتەن بەتىن كۇيدىرىپ الدى. ءبىز ەندى جولعا شىعىپ، كراسنوارمەيكاعا ورالامىز. بالام بۋتەربرود جەگىسى كەلگەندىكتەن ايالداۋدى ءجون كوردىك", – دەدى ايەل.
ورمان جاعالاعان وتباسىندا بالالاردىڭ ەڭ كىشىسى 1 جاستا، ۇلكەنى 8 جاستا. قازىر اناسى مەن بالالارى اۋرۋحاناعا جەتكىزىلدى.
"2016-2023 جىلدارى تۋىلعان التى بالانى تاربيەلەپ وتىرعان شەتەلدىك ازاماتتاردىڭ وتباسى انىقتالدى. بالالار مەملەكەتتىك ورگانداردا تىركەلمەگەن: ولاردىڭ تۋ تۋرالى كۋالىگى جوق، دەنساۋلىق ساقتاۋ جانە ءبىلىم بەرۋ مەكەمەلەرىنە بەكىتىلمەگەن", – دەدى پاۆلودار وبلىسى ىشكى ىستەر دەپارتامەنتى كوشى-قون قىزمەتى.
پوليتسەيدىڭ ايتۋىنشا، بالالار مەن ولاردىڭ اناسى پاۆلودار وبلىسى بالالار اۋرۋحاناسىنا جاتقىزىلعان.
"قازىر ءبىز بالالارعا تۋ تۋرالى كۋالىك پەن جسن الۋعا، سونداي-اق ەلىمىزدە ۋاقىتشا تۇرۋعا رۇقسات الۋعا كومەكتەسەمىز", – دەدى ىشكى ىستەر دەپارتامەنتى كوشى-قون قىزمەتىنىڭ باسشىسى.
