قىزىلوردادا ۆاگون قۇراستىرۋ زاۋىتى سالىنادى. بۇل تۋرالى ۇكىمەتتىڭ ءباسپاسوز قىزمەتى مالىمدەدى، دەپ حابارلايدى “ادىرنا” ۇلتتىق پورتالى.
اقپاراتقا سايكەس، پرەمەر-ءمينيستردىڭ ءبىرىنشى ورىنباسارى رومان سكليار قىزىلوردا وبلىسىنداعى بىرقاتار نىسانننىڭ جۇمىسىمەن تانىستى.
رومان سكليار باستاعان ۇكىمەت دەلەگاتسياسى قىزىلوردا قالاسىنداعى "قورقىت اتا" حالىقارالىق اۋەجايىنىڭ جاڭا تەرمينالىنا باردى. نىساننىڭ قۇرىلىسىنا 16,6 ملرد تەڭگە جەكە ينۆەستيتسيا سالىندى. جەرگىلىكتى بيۋدجەتتەن ينجەنەرلىك-كوممۋنيكاتسيالىق ينفراقۇرىلىمعا 4,3 ملرد تەڭگەدەن استام قارجى ءبولىندى.
ء"ارى قاراي سكليار "جولاۋشىلار ۆاگوندارىن جوڭدەۋ، تەحنيكالىق قىزمەت كورسەتۋ كەشەنى جانە ۆاگون قۇراستىرۋ زاۋىتى" جوباسىمەن تانىستى. جوباعا 15,4 ملرد تەڭگە ينۆەستيتسيا تارتىلدى", - دەپ جازىلعان حابارلامادا.
كەشەننىڭ جوسپارلانعان قۋاتى جولاۋشىلار ۆاگوندارىن جوندەۋ مەن قىزمەت كورسەتۋدى جاقسارتۋعا، سونداي-اق جاڭا ۇلگىلەر شىعارۋعا مۇمكىندىك بەرەدى.
ۇكىمەت دەلەگاتسياسى ودان ءارى قاراي كىرپىش زاۋىتىنىڭ قۇرىلىسىمەن جانە شىنى زاۋىتىنىڭ جۇمىسىمەن تانىستى. كىرپىش زاۋىتىنا قىزىلوردا قالاسىنداعى ء"وندىرىس" يندۋستريالىق ايماعىنان 7 گەكتار جەر تەلىمى بەرىلدى، جىلىنا 90 ملن دانا كىرپىش شىعارىلادى دەگەن جوسپار بار.
شىنى زاۋىتىندا جىلىنا 197,1 مىڭ توننا شىنى ءوندىرىلىپ، رەسەي وزبەكستان، قىرعىزستان جانە تاجىكستانعا ەكسپورتتالادى. بۇگىندە زاۋىتتا 366 مامان جۇمىس ىستەيدى. وتكەن جىلى شىنى زاۋىتى ىشىنەن ەنەرگيا ۇنەمدەيتىن شىنى ءوندىرىسىنىڭ جاڭا جەلىسى ىسكە قوسىلدى. قىتايلىق ينۆەستور الداعى ۋاقىتتا 2 كەزەڭگە جوسپارلانعان جاڭا ينۆەستيتسيالىق جوبانى ىسكە اسىرماق.
رومان سكليار سونىمەن قاتار قىزىلورداداعى جاڭا جەو قۇرىلىسىنىڭ بارىسىمەن تانىستى.
"جوبانىڭ قۇنى – 215 ملرد تەڭگە، قۋاتى – 240 مۆت. بۇگىنگى تاڭدا ينۆەستور – "اقسا ەنەرگي" تۇرىك كومپانياسى نىساننىڭ قۇرىلىسىنا 135 ملرد تەڭگەدەن استام قارجى سالدى. جاڭا جەو ىسكە قوسىلعان كەزدە ءوڭىردى ەلەكتر ەنەرگياسىمەن تولىق قامتاماسىز ەتەدى", - دەپ اتاپ ءوتتى ۇكىمەتتىڭ ءباسپاسوز قىزمەتى.
رومان سكليار "تاۋەلسىزدىككە – 25 جىل" داڭعىلىن قايتا جاڭعىرتۋ بارىسىن كوردى. وتكەن جىلدان بەرى بەيبارىس سۇلتان كوشەسىنەن ابىلقايىر حان كوشەسىنە دەيىنگى سىرداريا وزەنىنىڭ قورعانىس بوگەتى نىعايتىلىپ، اتالعان داڭعىلدىڭ 6,7 شاقىرىمى قايتا جاڭعىرتىلدى.
"جايلى مەكتەپ" ۇلتتىق جوباسى اياسىندا قىزىلوردا وبلىسىندا 6,9 مىڭ ورىندىق 10 مەكتەپ سالۋ جوسپارلانعان. بۇگىنگى تاڭدا ونىڭ ىشىندە 5 مەكتەپ پايدالانۋعا بەرىلدى. بيىل قالعان 5 وقۋ ورنىنىڭ قۇرىلىسىن اياقتاۋ جوسپارلانۋدا.
سونىمەن قاتار وبلىستىق بيۋدجەتتەن حالىقارالىق ستاندارتتارعا سايكەس كەلەتىن 11 مىڭ ورىندىق ستاديون سالۋعا 20,9 ملرد تەڭگە ءبولىندى. بۇگىنگى تاڭدا شىعىس جانە باتىس تريبۋنالارىنىڭ مەتالل كونسترۋكتسيالارىن مونتاجداۋ تولىعىمەن اياقتالدى، قابىرعالار، ىشكى بولىمدەر جانە سىرتقى ۆيتراجدار توسەلۋدە.
رومان سكليار جاڭا اۆتوۆوكزالدىڭ جۇمىسىمەن دە تانىستى. ول وتكەن جىلى پايدالانۋعا بەرىلدى. عيمارات جولاۋشىلارعا قاجەتتى جابدىقتارمەن جابدىقتالعان جانە 200 ادامعا ارنالعان. جوبانىڭ قۇنى – 975 ملن تەڭگە.
