قىزدار توبەلەسىنىڭ تاعى ءبىر ۆيدەوسى ۆيدەوعا ءتۇسىپ قالعان. بۇل جولى قىزىلوردادا قالا ورتالىعىندا تۇسىرىلگەن بەينە جەرگىلىكتى قوعامدىق پاراقشالاردا تاراپ كەتتى, - دەپ حابارلايدى “ادىرنا” ۇلتتىق پورتالى.
ابىروي بولعاندا، جاقىن ماڭدا پوليتسيا قىزمەتكەرلەرى جۇرگەن. ولار كەلىپ، اشۋعا بۋلىققان قىزداردى بىردەن اجىراتتى. ال جەلى قولدانۋشىلارى ءۇشىن بۇل وقيعا قىزۋ تالقىعا ءتۇستى.
«سارىداعى قىز جىندى توبەلەسەدى ەكەن. اراق ءىشىپ العان-اۋ. ۆاينەرلەر جارنامالىق ۆيدەو تۇسىرگەن شىعار. كويلەگى كوكتىك،تاماعى توقتىق ازدىرار ادام بالاسىن. سابزيرو فاتاليتي»، - دەپ جازدى ولار.
قىزىلوردا قالاسى پد وقيعاعا قاتىستى تۇسىنىكتەمە بەردى.
«قىزىلوردا پوليتسياسى جاستار توبىنىڭ بۇزاقىلىق ارەكەتتەرىن توقتاتتى. قىلمىستىق ءىس قوزعالدى. توبەلەسكەندەردىڭ اتى-جوندەرى انىقتالدى، ولار پوليتسياعا جەتكىزىلدى. وقيعانىڭ ءمان-جايى انىقتالىپ جاتىر»، - دەپ حابارلادى پوليتسيا.
