تۇركياداعى دەمالىس ايماعىندا قايعىلى وقيعا بولعان. ولاردىڭ قاتارىندا Turkish Airlines اۋە كومپانياسىنىڭ ساتۋ بولىمىندە قىزمەت اتقارعان زەحرا گيۋلتەكين، ونىڭ كۇيەۋى، ءتورت بالاسى جانە باسقا دا تۋىستارى بولعانى انىقتالعان، دەپ حابارلايدى “ادىرنا” ۇلتتىق پورتالى rg.ru-عا سىلتەپ.
سارسەنبى كۇنى مارقۇمداردى جەرلەۋ راسىمىنە تۇركيا پرەزيدەنتى رەجەپ تايىپ ەردوعان قاتىستى. ول قايعىعا باتقان حالىقتىڭ الدىندا كوز جاسىنا ەرىك بەردى.
ء“بىز جارالى بولدىق. جۇرەگىمىز وتقا وراندى. قايتىس بولعانداردىڭ تۋىستارى مەن حالقىمىزعا سابىر تىلەيمىن”، - دەدى پرەزيدەنت.
مارقۇمداردىڭ تۋىسى وزگۇر تۇركمەننىڭ ايتۋىنشا، وتقا ورانعان قوناقۇيدە قالعان اعايىندى باۋىرلار مەن اپكە-قارىنداستار كومەك سۇراپ حابارلاسقان.
ء“بىزدى قۇتقارىڭدار! اتا-انامىزعا جەتە الماي جاتىرمىز. مۇندا ءورت سوندىرۋشىلەر جوق،” – دەپ جانتۇرشىگەرلىك حابارلاما جازعان.
الايدا بىرنەشە ساعات وتكەن سوڭ ولاردىڭ بارلىعى، اتا-انالارى مەن تۋىستارىمەن بىرگە، قوناقۇيدەن ءولى تابىلعان.
قايعىلى وقيعا تۇركيانىڭ ستامبۋل قالاسىنان 270 شاقىرىم قاشىقتىقتا ورنالاسقان Grand Kartal تاۋ شاڭعىسى كۋرورتىنداعى 12 قاباتتى قوناقۇيدە ورىن الدى. ءورت كەزىندە قوناقۇيدە قىسقى دەمالىسقا كەلگەن تۋريستەر مەن جۇمىسشىلار بولعان. ءورتتىڭ تەز تارالۋى قالىڭ ءتۇتىن مەن قاۋىپسىزدىك جۇيەسىنىڭ جەتكىلىكسىزدىگىنەن ادامداردىڭ قاشۋىنا مۇمكىندىك بەرمەگەن.
كەيبىر ءتىرى قالعاندار قوناقۇيدە ءورت دابىلىنىڭ ەستىلمەگەنىن جانە ورتكە قارسى باسپالداقتاردىڭ تابىلماعانىن ايتادى. تۇركيا ينجەنەرلەرىنىڭ كاسىپوداعى قوناقۇيدىڭ ىشىندەگى سۋرەتتەردەن ورتكە قارسى جۇيەنىڭ ورناتىلماعانىن، ونىڭ كوپ جىلدار بۇرىن ورناتىلۋى ءتيىس بولعانىن مالىمدەدى.
ەسكە سالا كەتەيىك، تۇركياداعى قوناق ءۇي ورتىنەن 76 ادام قازا تاپقان. ەلدە جالپىۇلتتىق ازا تۇتۋ كۇنى جاريالاندى.
