«اۋىل ەل بەسىگى» جوباسى اۋىلدىق اۋماقتاردى دامىتۋعا ارنالعان ءتيىمدى مەحانيزمدەردىڭ ءبىرى بولىپ تابىلادى.
بۇقار جىراۋ اۋدانىندا 68 ەلدى مەكەننىڭ 46-سى وسى جوباعا قوسىلدى. 24 ەلدى مەكەندە جالپى قۇنى 10 ملرد تەڭگەگە جۋىق 46 جوبا جۇزەگە اسىرىلدى، بۇل مەملەكەت تاراپىنان بۇرىن-سوڭدى بولماعان قولداۋ بولىپ تابىلادى.
وتكەن جىلى 4,5 ملرد تەڭگە سوماسىنا 19 جوبا ىسكە اسىرىلدى، ونىڭ ىشىندە 8 ەلدى مەكەندە 22,7 كم جولعا ورتاشا جوندەۋ جۇمىستارى جۇرگىزىلدى. مىسالى، بوتاقارا اۋىلىندا 4,5 كم، سارىارقا اۋىلىندا 1,5 كم، قاراجار اۋىلىندا 2,3 كم جولدار جوندەلدى. سونىمەن قاتار، عابيدەن مۇستافين كەنتىندە دەنە شىنىقتىرۋ-ساۋىقتىرۋ كەشەنى اشىلدى، دوسكەي اۋىلىنىڭ سۋ قۇبىرى جەلىلەرى جاڭارتىلدى، ۇشتوبە مەن دوسكەي اۋىلدارىندا كلۋبتار سالىندى.
بيىلعى جىلى 2,5 ملرد تەڭگەدەن استام قارجى ءبولىنىپ، 14 جوبا جۇزەگە اسىرىلماق. ونىڭىشىندە كوكپەكتى اۋىلىندا كلۋب قۇرىلىسىن اياقتالىپ، ترۋدوۆوە اۋىلىندا سۋ قۇبىرى جەلىلەرى قايتا جاڭارتىلماق. سونداي-اق، قۋشوقى كەنتىندە 100 ورىندىق دەنە شىنىقتىرۋ-ساۋىقتىرۋ كەشەنى سالىناتىن بولادى. سونىمەن قاتار، 8 ەلدى مەكەندە (نوۆوۋزەنكا، جاڭاتالاپ، اقبەل، اقتوبە، پەتروۆكا، تسەنترالنوە، كوكپەكتى، اتامەكەن) كەنتىشىلىك جولداردى ورتاشا جوندەۋ جوسپارلانۋدا.
