«Aýyl el besigi» jobasy aýyldyq aýmaqtardy damytýǵa arnalǵan tıimdi mehanızmderdiń biri bolyp tabylady.
Buqar jyraý aýdanynda 68 eldi mekenniń 46-sy osy jobaǵa qosyldy. 24 eldi mekende jalpy quny 10 mlrd teńgege jýyq 46 joba júzege asyryldy, bul memleket tarapynan buryn-sońdy bolmaǵan qoldaý bolyp tabylady.
Ótken jyly 4,5 mlrd teńge somasyna 19 joba iske asyryldy, onyń ishinde 8 eldi mekende 22,7 km jolǵa ortasha jóndeý jumystary júrgizildi. Mysaly, Botaqara aýylynda 4,5 km, Saryarqa aýylynda 1,5 km, Qarajar aýylynda 2,3 km joldar jóndeldi. Sonymen qatar, Ǵabıden Mustafın kentinde dene shynyqtyrý-saýyqtyrý kesheni ashyldy, Doskeı aýylynyń sý qubyry jelileri jańartyldy, Úshtóbe men Doskeı aýyldarynda klýbtar salyndy.
Bıylǵy jyly 2,5 mlrd teńgeden astam qarjy bólinip, 14 joba júzege asyrylmaq. Onyńishinde Kókpekti aýylynda klýb qurylysyn aıaqtalyp, Trýdovoe aýylynda sý qubyry jelileri qaıta jańartylmaq. Sondaı-aq, Qýshoqy kentinde 100 oryndyq dene shynyqtyrý-saýyqtyrý kesheni salynatyn bolady. Sonymen qatar, 8 eldi mekende (Novoýzenka, Jańatalap, Aqbel, Aqtóbe, Petrovka, entralnoe, Kókpekti, Atameken) kentishilik joldardy ortasha jóndeý josparlanýda.
