اۋىل تۇرعىندارىن ساپالى اۋىز سۋمەن قامتۋ – اۋداننىڭ باستى مىندەتتەرىنىڭ ءبىرى.
قازىرگى تاڭدا اۋدان حالقىنىڭ 99%-ى، ياعني 63 ەلدى مەكەن ورتالىقتاندىرىلعان سۋمەن قامتاماسىز ەتىلگەن.الداعى ماقسات – بۇل كورسەتكىشتى 100% - عا جەتكىزۋ.
وسى تۇرعىدا ءوتكەن جىلى اقجار، استاحوۆكا، دوسكەي, ترۋدوۆوە، ايۋلى، الاباس اۋىلدارىنداعى جانە قۋشوقى كەنتىندەگى سۋ جۇيەلەرىنە ءجوندەۋ جۇمىستارى جۇرگىزىلدى.
اعىمداعى جىلى 5 ەلدى مەكەندە، اتاپ ايتساق ستارايا تۋزدا، ستان، سەۆان اۋىلدارىندا سۋ تازارتۋ ءمودۋلىنىڭ 3 بلوگى ورناتىلىپ، جاڭااۋىل مەن پەرۆوە مايا اۋىلدارىندا سۋ قۇبىرلارى جوندەلەدى. بۇل جۇمىستارعا اۋداندىق بيۋدجەتتەن 227 ملن تەڭگە ءبولىندى.
جوسپار بويىنشا اعىمداعى جىلدىڭ سوڭىندا بارلىق ەلدى مەكەندەر ساپالى اۋىز سۋمەن تولىق قامتاماسىز ەتىلەدى.
