الماتىدا وق اتقان ءجاسوسپىرىم ۇستالدى، دەپ حابارلايدى "ادىرنا" ۇلتتىق پورتالى.
بۇل تۋرالى قالالىق پوليتسيا دەپارتامەنتىنىڭ ءباسپاسوز قىزمەتى مالىمدەدى.
«كەشە شامامەن ساعات 17:00-دە الماتى قالاسىنىڭ پوليتسياسىنا بەلگىسىز جاس جىگىتتىڭ اۋاعا ەكى رەت وق اتىپ، كەيىن وقيعا ورنىنان قاشىپ كەتكەنى تۋرالى حابارلاما ءتۇستى. ءتارتىپ ساقشىلارى بۇزاقىنى ۇستاپ، ونىڭ 16 جاستاعى ءجاسوسپىرىم ەكەنىن انىقتادى. ول دىبىستىق تاپانشادان بۇزاقىلىق نيەتپەن وق اتقانىن مويىندادى»،– دەپ حابارلادى الماتى پوليتسيا دەپارتامەنتىنىڭ ءباسپاسوز قىزمەتى.
ءجاسوسپىرىم قارۋدى زاڭسىز قولدانعانى ءۇشىن جاۋاپكەرشىلىككە تارتىلدى.
«سونىمەن قاتار، ءجاسوسپىرىمنىڭ زاڭدى وكىلىنە كامەلەتكە تولماعان بالانى تاربيەلەۋ مىندەتتەرىن ورىنداماعانى ءۇشىن حاتتاما تولتىرىلدى. پوليتسيا «زاڭ جانە ءتارتىپ» قاعيداتى نەگىزىندە ارەكەت ەتە وتىرىپ، قازاقستان رەسپۋبليكاسىنىڭ زاڭدارى مەن قوعامدا قابىلدانعان ءتارتىپ نورمالارىن قاتاڭ ساقتاۋعا شاقىرادى»، – دەپ تولىقتىردى پد.
