تالعاردا كىسى قولىنان قازا تاپقان شەرزات پولاتتىڭ اپكەسى باقىت رەيموۆا قازاقستاندا قالۋى مۇمكىن، دەپ حابارلايدى "ادىرنا" ۇلتتىق پورتالى.
بۇل تۋرالى الەۋمەتتىك جەلىدە ادۆوكات مەيىرمان شەكەەۆ پەن بلوگەر جان احماديەۆ حابارلادى.
الماتى وبلىسىنىڭ پروكۋراتۋراسى باس پروكۋراتۋرانىڭ كەلىسىمىمەن جوعارعى سوتقا باقىت رەيموۆانى دەپورتاتسيالاماي، جازاسىن باسقا جولمەن وتەۋ تۋرالى ءوتىنىش جولداعان. ەندى ونىڭ ەلدە قالۋ ماسەلەسىن جوعارعى سوت شەشەدى.
ەسكە سالساق، باقىت رەيموۆا باۋىرى نۇرعاناتتىڭ قازاسىنان كەيىن «ميتينگكە شاقىردى» دەپ ايىپتالىپ 15 تاۋلىككە قامالعان ەدى. سونداي-اق، باسقا ەلدىڭ ازاماتى بولعانى ءۇشىن سوت ونى قازاقستاننان دەپورتاتسيالاۋ جونىندە شەشىم شىعارعان.
باقىت رەيموۆا ەلدەن شىعارىلسا، ونىڭ كامەلەتكە تولماعان ۇلى مەيىربەك رەيموۆ اسىراۋشىسىز جالعىز قالۋى مۇمكىن. جەتكىنشەك اناسىنان ايىرماۋدى سۇراپ، پرەزيدەنتكە ۇندەۋ جاساعان.
ادۆوكات مەيىرمان شەكەەۆ بۇۇ-نىڭ بالا قۇقىعى تۋرالى كونۆەنتسياسىنا ساي بالا مەن انانى اجىراتۋعا بولمايتىنىن ەسكە سالدى. سونىمەن قاتار، ول 1989 جىلى قابىلدانعان بۇل تالاپتى ساقتاۋعا قازاقستان مىندەتتى ەكەنىن العا تارتتى.
