قازاقستان رەسپۋبليكاسىنىڭ پرەزيدەنتى قاسىم-جومارت توقاەۆ: «جاس ءارى تەرەڭ ءبىلىمدى ازاماتتار – ۇلتىمىزدىڭ باستى كاپيتالى جانە قوعامداعى وڭ وزگەرىستەردىڭ قوزعاۋشى كۇشى» دەپ ۇنەمى جاستاردى قولداۋ ماسەلەسىن باستى نازاردا ۇستايدى. بۇل جاس ۇرپاقتىڭ جان-جاقتى دامۋىنا جانە الدىنا قويعان ماقساتتارىنا قول جەتكىزۋگە مۇمكىندىكتەر اشادى.
قورقىت اتا اتىنداعى قىزىلوردا ۋنيۆەرسيتەتىندە ستۋدەنتتەرگە ارنالعان «الەۋمەتتىك ساتىلار»، «الەۋمەتتىك جوبالار»، مەملەكەت ەسەبىنەن وقۋ مۇمكىندىگى، وقۋ اقىسى، قوعامدىق كولىكتە ءجۇرۋ، ستۋدەنتتىك جاتاقحاناعا ورنالاسۋ جەڭىلدىگى مەن تاماقتانۋعا وتەماقى، جۇمىسپەن قامتۋ، كاسىپكەرلىكپەن اينالىسۋ، شىعارماشىلىقپەن، سپورتپەن شۇعىلدانۋعا مۇمكىندىكتەر جانە باسقا دا الەۋمەتتىك قولداۋلار قاراستىرىلعان.
پرەزيدەنتىمىزدىڭ تاپسىرماسى بويىنشا جىل سايىن جاڭادان ستۋدەنتتىك جاتاقحانالار سالۋ ماسەلەسى ءبىزدىڭ ايماعىمىزدا دا وڭ شەشىمىن تابۋدا. ۋنيۆەرسيتەتتىڭ ستۋدەنتتىك جاتاقحانالارىمەن قاتار، مەملەكەت قولداۋىمەن سالىنعان جەكە كاسىپكەرلەرمەن دە كەلىسىم-شارتتار جاسالعان. ۋنيۆەرسيتەتتە بارلىق وتىنىشتەر قاناعاتتاندىرىلىپ، 1218 ءبىلىم الۋشى ورىنمەن قامتاماسىز ەتىلدى. ءتۇرلى الەۋمەتتىك ساناتتار بويىنشا ستۋدەنتتەرگە جاتاقحانادا تەگىن جانە جەڭىلدىكپەن تۇرۋعا مۇمكىندىكتەر جاسالعان.
مەملەكەت باسشىسى قاسىم-جومارت توقاەۆتىڭ تاپسىرماسىنا سايكەس جىل سايىن جاستاردىڭ تەگىن جوعارى ءبىلىم الۋىنا قولداۋ ارتىپ كەلەدى. بۇل ءبىلىمدى ءارى باسەكەگە قابىلەتتى ۇرپاق قالىپتاستىرۋعا باعىتتالعان ناقتى قادام. ۋنيۆەرسيتەتتە 2024-2025 وقۋ جىلىندا 10231 ءبىلىم الۋشى بار. ونىڭ ىشىندە 4905 جاس مەملەكەتتىك تاپسىرىس نەگىزىندە وقيدى.
سونىمەن قاتار، ستۋدەنتتەردى الەۋمەتتىك قولداۋ ماقساتىندا وقۋ اقىسىنا جەڭىلدىك جاساۋ ماسەلەسى دە جۇيەلى قولعا الىنعان. قازىرگى تاڭدا ءار ءتۇرلى ساناتتاعى 1552 ءبىلىم الۋشىعا وبلىستىق اكىمدىك، ۋنيۆەرسيتەت، دەمەۋشى ءىرى كومپانيالار، قوعامدىق قورلار مەن قارجى ينستيتۋتتارى تاراپىنان ءبىلىم گرانتتارى مەن وقۋ اقىسىن تولەۋگە قولداۋ كورسەتىلگەن.
ەل پرەزيدەنتىنىڭ 2025 جىلدىڭ 1 قىركۇيەگىنەن باستاپ ءبىلىم الۋشىلاردىڭ شاكىرتاقى كولەمىنىڭ 2 ەسەگە ءوسىرۋ جونىندەگى تاپسىرماسى جاستار ءۇشىن قۋانىشتى جاڭالىق بولدى. ءبىزدىڭ وڭىردە ءبىلىم الۋدىڭ ەڭ باستى ەرەكشەلىگى - ەلىمىز بويىنشا بەرىلەتىن ەڭ جوعارى شاكىرتاقى مولشەرى. شاكىرتاقىنىڭ ءوسۋى ستۋدەنتتەردى الەۋمەتتىك قولداۋمەن قاتار، ءبىلىم الۋعا دەگەن ىنتاسىن ارتتىرادى.
جىل سايىن وبلىستىق اكىمدىكتىڭ قولداۋىمەن الەۋمەتتىك از قامتاماسىز ەتىلگەن جانە كوپبالالى وتباسىنان شىققان ءبىلىم الۋشىلارعا قوعامدىق كولىكتە ءجۇرۋ ءۇشىن قارجىلاي كومەك كورسەتىلىپ كەلەدى. 2024-2025 وقۋ جىلى بويىنشا 216 ءبىلىم الۋشى وسى مۇمكىندىككە يە بولدى.
بيىلعى وقۋ جىلىندا اتا-انالارىنىڭ قامقورلىعىنسىز جەتىم قالعان 57 ءبىلىم الۋشىعا تاماقتانۋ ءۇشىن وتەماقى جانە بىرجولعى اقشالاي جاردەماقى بەرىلدى.
پرەزيدەنتىمىزدىڭ ەلىمىز بويىنشا جاساندى ينتەللەكت باعىتىنداعى ناقتى تاپسىرمالارىنا سايكەس ۋنيۆەرسيتەتتىڭ باس وقۋ عيماراتىنىڭ جانىندا جاساندى ينتەللەكت بازاسىندا جۇمىس اتقاراتىن BIC ورتالىعىنىڭ ستارتاپ كوۆوركينگى سالىنىپ، جاقىندا قولدانىسقا بەرىلدى. بۇل ءوز كەزەگىندە كرەاتيۆتى جوبالاردىڭ پايدا بولۋىنا جول اشادى.
ۋنيۆەرسيتەتتە سپورتتىڭ 11 تۇرىنەن سەكتسيالار قىزمەت جاسايدى. اتاپ ايتقاندا شاحمات، توعىزقۇمالاق، قازاق كۇرەسى، ۆولەيبول، باسكەتبول، فۋتبول، ۇستەل تەننيسى، بوكس، پاۋەرليفتينگ، ءجۇزۋ، فيتنەس بويىنشا باعىتتار بار. ۋنيۆەرسيتەتتىڭ 95 ستۋدەنتى الەم، ازيا جانە ءتۇرلى حالىقارالىق چەمپيوناتتاردىڭ جەڭىمپازدارى مەن جۇلدەگەرلەرى.
كەز-كەلگەن ستۋدەنتتىڭ وقۋ-تاربيە ۇدەرىسىندە ءوزىن-ءوزى دامىتۋىنا بارلىق جاعدايلار جاسالعان. ول ءۇشىن 5 وقۋ زالى، 4 ەلەكتروندىق وقۋ زالى جانە OPEN SPACE جاڭا ۇلگىدەگى كىتاپحانا، 1 958 057 ميلليون كىتاپ قورى، جاڭا ۇلگىدەگى كومپيۋتەرلىك پارك، 64 مامانداندىرىلعان وقۋ زەرتحانالارى، ءاربىر ءبىلىم بەرۋ باعدارلامالارىنىڭ جانىنداعى پاندىك ۇيىرمەلەر، «ارحەولوگيا جانە ەتنوگرافيا» عىلىمي-زەرتتەۋ ورتالىعىنىڭ كورمە زالى، ۋنيۆەرسيتەتتىڭ تاريحي مۇراجايى، ستۋدەنتتەر سارايى، دىبىس جازۋ ستۋدياسى، «سەيحۋن» سپورتتىق-ساۋىقتىرۋ كەشەنى، 7 سپورت زالى مەن 5 جازعى سپورت الاڭى، 7 ستۋدەنتتىك اسحانا، باس وقۋ عيماراتى جانىنداعى اسحاناسى بار كوۆوركينگ ورتالىعى، مەديتسينالىق پۋنكت قىزمەت ەتەدى. بارلىق وقۋ عيماراتتارىندا ءWى-FI جەلىسى قوسىلىپ، ءبىلىم الۋشىلاردىڭ ءۇزىلىس ۋاقىتىندا دەمالىپ وتىرۋلارىنا ارنايى ورىندار، كوڭىل-كۇيلەرىن كوتەرۋگە وڭ اسەر ەتۋ ءۇشىن مۋزىكالىق اپپاراتۋرالار ۇيىمداستىرىلعان.
ج.ن. بازارتاي
«قورقىت اتا اتىنداعى قىزىلوردا ۋنيۆەرسيتەتىنىڭ الەۋمەتتىك جانە تاربيە جۇمىستارى جونىندەگى پرورەكتورى
