اقتاۋ قالاسىنداعى نازارباەۆ زياتكەرلىك مەكتەبىنىڭ تۇلەگى مەرۋەرت بيجانوۆا وكسفورد ۋنيۆەرسيتەتىنىڭ وقىتۋشىلار قۇرامىنا كىردى. بۇل تۋرالى ماڭعىستاۋ وبلىسىنىڭ قوعامدىق كوممۋنيكاتسيا ورتالىعى جازدى، دەپ حابارلايدى «ادىرنا» ءتىلشىسى.
مەرۋەرت 2019 جىلى مەكتەپتى ءتامامداپ، كەيىن اقش-تاعى پەنسيلۆانيا ۋنيۆەرسيتەتىندە ءبىلىم العان. سول جەردە ستۋدەنتتىك قاۋىمداستىقتا بەلسەندى بولىپ، ستۋدەنتتىك اسسامبلەيانىڭ پرەزيدەنتى قىزمەتىن اتقارعان. ال 2025 جىلى وكسفورد ۋنيۆەرسيتەتىنىڭ دوكتورانتۋراسىنا قابىلدانعان.
جاس عالىمنىڭ ايتۋىنشا، Teaching Fellow لاۋازىمىنا تاعايىندالۋى - ونىڭ جۇيەلى ەڭبەگىنىڭ جوعارى باعالانۋى ءارى ۋنيۆەرسيتەت تاراپىنان كورسەتىلگەن سەنىمنىڭ كورىنىسى. ەندى ول ءوز عىلىمي زەرتتەۋلەرىن جالعاستىرىپ قانا قويماي، وكسفورد ۋنيۆەرسيتەتىنىڭ وقىتۋشىلار قۇرامىندا ءدارىس وقىپ، ءبىلىم مەن عىلىم سالاسىنداعى تاجىريبەسىن جاستارعا ۇسىنادى.
