قازاقستاندىق ارالاس جەكپە-جەك شەبەرى جەڭىلىسىنەن سوڭ مالىمدەمە جاسادى، دەپ حابارلايدى "ادىرنا" ۇلتتىق پورتالى.
11 مامىر كۇنى قازاقستاندىق سپورتشى قۋات حاميتوۆ رەسەيلىك فايتەر الەكساندر شلەمەنكودان جەڭىلگەن بولاتىن.
تارتىستى جەكپە-جەك ورتا سالماق دارەجەسىندە ءوتىپ، ءۇش راۋندقا سوزىلعان.
"مەن ءۇشىن الاڭداعان جانە ماعان جانكۇيەر بولعان بارلىق ادامعا راقمەت ايتامىن! مەن بابىمدا بولدىم، ءبارى جوسپار بويىنشا ءوتىپ جاتتى. بىراق 84 كگ سالماقتا توبەلەسۋ مەن ويلاعاننان دا قيىن بولعانىن مويىندايمىن. وسى سالماقتا ءوزىمدى تەكسەرۋ ءۇشىن ءبىر جەكپە-جەك وتكىزىپ كورۋىم كەرەك پە ەدى... دەسە دە بارىڭىزگە قولداۋلارىڭىز ءۇشىن راقمەت!", - دەپ جازدى سپورتشى حاميتوۆ Instagram جەلىسىندەگى پاراقشاسىندا.
Cونداي-اق، قازاقستاندىق فايتەر جەڭىلىسىن "جاپقىسى" كەلەتىنىن ايتىپ، قارسىلاس ىزدەيدى.
"مەن وكتاگونعا بارىنشا تەزىرەك ورالىپ، جەڭىلىسىمدى جاپقىم كەلەدى. ەگەر 70-74 كگ cالماققا ءوتىپ، جەكپە-جەككە شىققىسى كەلەتىن 60 كگ سالماقتاعى فايتەرلەر بار بولسا، قۋانا كەلىسەمىن", - دەپ جازدى حاميتوۆ Instagram جەلىسىندە.
