قاراعاندى وبلىسىندا تجم قۇتقارۋشىسى سىمبات ەششانوۆ قارلى بوران كەزىندە كورسەتكەن ەرلىگى ءۇشىن “ەرلىگى ءۇشىن” مەدالىمەن ماراپاتتالدى، دەپ حابارلايدى “ادىرنا” ۇلتتىق پورتالى.
پرەزيدەنت جارلىعىمەن سىمبات ەششانوۆ قىزمەتتىك بورىشىن ادال ورىنداپ، قيىن جاعدايدا باتىلدىق تانىتقانى جانە ادامداردىڭ ءومىرىن قۇتقارعانى ءۇشىن ماراپاتقا يە بولدى. ول قاراعاندى وبلىسى تجد وساكاروۆ اۋدانى توتەنشە جاعدايلار ءبولىمىنىڭ №17 ءورت ءسوندىرۋ اۆتوكولىگىنىڭ جۇرگىزۋشى-قىزمەتكەرى بولىپ قىزمەت ەتەدى.
2025 جىلدىڭ 3 قاڭتارىندا الماتى-ەكاتەرينبۋرگ تاس جولىندا نۇرا-قاراعاندى باعىتىندا كەلە جاتقان اۆتوبۋس قار قۇرساۋىندا قالىپ قويعان. سىمبات ەششانوۆ پەن ونىڭ ارىپتەستەرى دەرەۋ كومەككە بارىپ، 30-دان استام جولاۋشىنى، سونىڭ ىشىندە 5 بالانى ەۆاكۋاتسيالادى. قاتتى بوران مەن كورىنبەۋشىلىككە قاراماستان، سىمبات ەششانوۆ ءوز كولىگىمەن قۇتقارۋشىلارعا جول كورسەتىپ، قاۋىپسىز قوزعالىستى قامتاماسىز ەتتى.
"قۇتقارۋشىلار وقيعا ورنىنا جەتكەننەن كەيىن جاعدايدى باعالاپ، 30-دان استام جولاۋشىنى، ونىڭ ىشىندە 5 بالانى ەۆاكۋاتسيالاۋعا كىرىستى. الايدا، اۋا رايىنىڭ ناشارلاۋىنا جانە جولدىڭ كورىنبەۋىنە بايلانىستى سىمبات ەششانوۆ قۇتقارۋشىلارعا جول كورسەتىپ، كولىكتىڭ الدىندا ءجۇرىپ قاۋىپسىز الىپ ءجۇرۋدى قامتاماسىز ەتتى”، – دەلىنگەن حابارلامادا.
