ادىلەت ءمينيسترى بولىپ تالعار اۋدانىنىڭ تۋماسى تاعايىندالدى، دەپ حابارلايدى "ادىرنا" ۇلتتىق پورتالى.
“مەملەكەت باسشىسىنىڭ جارلىعىمەن ەرلان جاقسىلىقۇلى سارسەمباەۆ قازاقستان رەسپۋبليكاسىنىڭ ادىلەت ءمينيسترى لاۋازىمىنا تاعايىندالدى”، دەلىنگەن حابارلامادا.
پرەزيدەنت توقاەۆ ادىلەت ءمينيسترى ەسقاراەۆتى وتستاۆكاعا جىبەردى. ازامات ەسقاراەۆ ادىلەت ءمينيسترى لاۋازىمىنا 2023 جىلدىڭ ساۋىرىندە قايتا تاعايىندالعان.
ەرلان سارسەمباەۆ 1975 جىلى الماتى وبلىسى، تالعار اۋدانى، وكتيابر اۋىلىندا دۇنيەگە كەلگەن.
2002-2005 جىلدارى پرەمەر-مينيستر كەڭسەسىنىڭ قورعانىس جانە قۇقىق ءتارتىبى ءبولىمىنىڭ كەڭەسشىسى، سودان كەيىن سەكتور مەڭگەرۋشىسى قىزمەتىن اتقاردى.
2005-2011 جىلدارى سەنات اپپاراتىندا جۇمىس ىستەدى، حالىقارالىق ىستەر، قورعانىس جانە قاۋىپسىزدىك كوميتەتىمەن ءوزارا ءىس-قيمىل دەپارتامەنتى باسشىسىنىڭ ورىنباسارى، سونداي-اق الەۋمەتتىك-مادەني ماسەلەلەر جونىندەگى كوميتەتپەن ءوزارا ءىس-قيمىل ءبولىمىنىڭ مەڭگەرۋشىسى قىزمەتتەرىن اتقاردى. دامۋ.
كەيىننەن قازاقستاننىڭ ۇلتتىق قاۋىپسىزدىك ورگاندارىندا قىزمەت اتقارىپ، ۇلتتىق قاۋىپسىزدىك كوميتەتى (ۇقك) زاڭ دەپارتامەنتى باستىعىنىڭ ورىنباسارى جانە باستىعى، پارلامەنت سەناتى اپپاراتىندا الەۋمەتتىك-مادەني دامۋ جانە عىلىم كوميتەتىمەن ءوزارا ءىس-قيمىل ءبولىمىنىڭ مەڭگەرۋشىسى قىزمەتىن اتقاردى.
2017-2019 جىلدارى سەنات اپپاراتى باسشىسىنىڭ ورىنباسارى بولدى. ال 2019-2022 جىلدارى سەنات اپپاراتىنىڭ حالىقارالىق قاتىناستار، قورعانىس جانە قاۋىپسىزدىك كوميتەتىمەن ءوزارا ءىس-قيمىل ءبولىمىن باسقاردى.
