ۇلىتاۋ وبلىسى بويىنشا سىبايلاس جەمقورلىققا قارسى قىزمەت وبلىستىق ەكولوگيا دەپارتامەنتىنىڭ باسشىسىن پارا الۋ كەزىندە ۇستادى، دەپ حابارلايدى "ادىرنا" ۇلتتىق پورتالى.
انتيكوردىڭ مالىمەتىنشە، شەنەۋنىك كاسىپكەردەن ەكولوگيا سالاسىندا رۇقسات بەرۋ قۇجاتتارىن الۋ ءۇشىن 2,5 ميلليون تەڭگە كولەمىندە پارا العان دەگەن كۇدىككە ءىلىندى.
"8 قاڭتاردا سوت سانكتسياسىمەن ول قاماۋعا الىندى. تەرگەۋ جالعاسۋدا، باسقا تۇلعالاردىڭ قاتىستىلىعى تەكسەرىلۋدە", – دەلىنگەن حابارلامادا.
ايتا كەتۋ كەرەك، بۇعان دەيىن، 2024 جىلدىڭ 26 تامىزىندا، وسى باسشى بيزنەستى قورعاۋ جوباسى اياسىندا كاسىپكەرلىك قىزمەتكە ارالاسقانى ءۇشىن اكىمشىلىك جاۋاپكەرشىلىككە تارتىلعان. سول كەزدە ول كاسىپكەرگە قورشاعان ورتانى قورعاۋ شارالارىن ورىنداۋ جوسپارى بويىنشا توقسان سايىن ەسەپ بەرۋ تۋرالى زاڭسىز تالاپ قويعان.
