مەملەكەت باسشىسى قاسىم-جومارت توقاەۆ پرەزيدەنت اكىمشىلىگى باسشىسىنىڭ ءبىرىنشى ورىنباسارى لاۋازىمىنىڭ قايتا ەنگىزىلۋىن ءتۇسىندىردى، دەپ حابارلايدى "ادىرنا" ۇلتتىق پورتالى قازتاگ اگەنتتىگىنە سىلتەمە جاساپ.
مەملەكەت باسشىسى بۇل تۋرالى بۇگىن پرەزيدەنت اكىمشىلىگى باسشىسىنىڭ ءبىرىنشى ورىنباسارى دارحان ساتىبالدىنى قابىلداۋ كەزىندە ايتتى.
«پرەزيدەنت اكىمشىلىگى باسشىسىنىڭ ءبىرىنشى ورىنباسارى لاۋازىمىنىڭ ەنگىزىلۋى باسقارۋ ۇدەرىستەرىن جانە وڭىرلەرمەن ءوزارا ءىس-قيمىلدى جەتىلدىرۋ، شەشىمدەر مەن ونىڭ تاپسىرمالارىنىڭ ورىندالۋىن جەرگىلىكتى جەرلەردە باقىلاۋدى كۇشەيتۋ، سونداي-اق قابىلداناتىن شارالاردىڭ ساپاسىن ارتتىرۋ جانە ازاماتتاردىڭ مەملەكەتتىك ينستيتۋتتارعا دەگەن سەنىمىن نىعايتۋ ماقساتىندا جۇزەگە اسىرىلىپ وتىر»، — دەدى توقاەۆ.
ەسكە سالا كەتەيىك، مەملەكەت باسشىسى بۇرىن تاراتىلعان پرەزيدەنت اكىمشىلىگى باسشىسىنىڭ ءبىرىنشى ورىنباسارى لاۋازىمىن قايتا ەنگىزىپ، بۇل قىزمەتكە دارحان ساتىبالدىنى تاعايىندادى.
