مەملەكەت باسشىسى قاسىم-جومارت توقاەۆ ەكس-پرەزيدەنتتەردىڭ جەكە ءومىرى تۋرالى اقپاراتتى مەملەكەتتىك قۇپياعا جاتقىزاتىن تۇزەتۋلەرگە قول قويدى، دەپ حابارلايدى «ادىرنا» ۇلتتىق پورتالى.
«مەملەكەت باسشىسى «قازاقستان رەسپۋبليكاسىنىڭ كەيبىر زاڭنامالىق اكتىلەرىنە مەملەكەتتىك ءبىلىم بەرۋ جيناقتاۋ جۇيەسى، اقپارات، قوعامدىق دامۋ، مادەنيەت جانە ارحيۆ ءىسى سالالارىندا ارتىق زاڭنامالىق رەگلامەنتتەۋدى بولعىزباۋ ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى» زاڭعا قول قويدى»، - دەلىنگەن اكوردا حابارلاماسىندا.
مالىمەتكە سايكەس، ءبىرىنشى توپتاعى وزگەرىستەر «كەلەشەك» ءبىرتۇتاس ەرىكتى جيناقتاۋشى جۇيەسىن ەنگىزۋ ماقساتىندا ازىرلەنگەن، بۇل جۇيە مەملەكەتتىك ءبىلىم كاپيتالىنىڭ باستاپقى مولشەرىن، جىل سايىنعى مەملەكەتتىك سىيلىقاقى مەن ينۆەستيتسيالىق تابىستى، بەس جاستان باستاپ بالالاردى قامتۋدى قاراستىرادى.
«بىرجولعى باستاپقى ءبىلىم بەرۋ كاپيتالى 2025 جىلى جانە ودان كەيىنگى جىلدارى 5 جاسقا تولاتىن بالالارعا تولەنەدى. ونىڭ مولشەرى عىلىم جانە جوعارى ءبىلىم مينيسترلىگى بەكىتەتىن باستاپقى ءبىلىم بەرۋ كاپيتالىن ەسەپتەۋ، پايدالانۋ جانە قايتارۋ قاعيدالارىنا ساي ەسەپتەلەدى.
«كەلەشەك» جۇيەسى جىل سايىن 5% مەملەكەتتىك سىيلىقاقى، ال حالىقتىڭ الەۋمەتتىك وسال توپتارىنىڭ بالالارى ءۇشىن 7% مەملەكەتتىك سىيلىقاقى كوزدەلگەن قولدانىستاعى مەملەكەتتىك ءبىلىم بەرۋ جيناقتاۋ جۇيەسىمەن بىرگە بالاڭىزدىڭ بولاشاعى ءۇشىن قاراجات جيناۋعا مۇمكىندىك بەرەدى. ياعني قارجىنى تەحنيكالىق جانە كاسىپتىك ءبىلىم الۋعا، ورتا مەكتەپ بىتىرگەننەن كەيىن جوعارى ءبىلىم الۋعا جانە جوعارى وقۋ ورنىنان كەيىن ءبىلىمىن جەتىلدىرۋگە، سونداي-اق تۇرعىن ءۇي جاعدايىن جاقسارتۋعا جۇمساۋعا بولادى»، - دەلىنگەن حابارلامادا.
ەكىنشى توپتاعى وزگەرىستەر كرەاتيۆتى يندۋسترياعا قولداۋ كورسەتۋ شارالارىن قاراستىرادى، ونىڭ ىشىندە ءاربىر وبلىس ورتالىعىندا جانە ءىرى قالالاردا كرەاتيۆتى يندۋستريا ورتالىقتارىن قۇرۋ، ونىمدەردى كوممەرتسياليزاتسيالاۋ ماسەلەلەرى بويىنشا قاتىسۋشىلارعا كومەك كورسەتۋ كىرەدى.
“بۇدان بولەك، كرەاتيۆتى يندۋستريانى دامىتۋعا ىقپال ەتەتىن ارنايى زاڭدى تۇلعا («كرەاتيۆتى يندۋستريالاردى قولداۋ قورى») قىزمەت كورسەتەدى. قور تالانتتاردى ىزدەپ، ولاردى ناسيحاتتاۋمەن، كرەاتيۆتى جوبالار مەن قىزمەتتەردى كوممەرتسيالاندىرۋ ىسىنە كومەكتەسۋمەن، سونداي-اق ولاردى الەم نارىقتارىندا ىلگەرىلەتۋمەن اينالىسادى.
سونىمەن قاتار ۋاكىلەتتى ورگانعا (مادەنيەت جانە اقپارات مينيسترلىگى) كرەاتيۆتى يندۋسترياعا مەملەكەتتىك قولداۋ كورسەتۋ، ىنتالاندىرۋ قاعيدالارىن ازىرلەۋ جانە بەكىتۋ قۇزىرەتى بەرىلەدى. ال وبلىستىڭ، رەسپۋبليكالىق ماڭىزى بار قالالار مەن استانانىڭ جەرگىلىكتى اتقارۋشى ورگاندارى كرەاتيۆتى يندۋستريا سالاسىنداعى مەملەكەتتىك ساياساتتى ىسكە اسىرادى” دەلىنگەن حابارمادا.
ايتا كەتسەك، ەكس-پرەزيدەنت نازارباەۆتىڭ كلانىنداعى رەۆانشيزم تاقىرىبى 13 جەلتوقسان كۇنى كرەمل رەسەي پرەزيدەنتى ۆلاديمير پۋتينمەن نازارباەۆتىڭ كەزدەسۋى تۋرالى حابارلاعاننان كەيىن جاڭا بەلەسكە شىقتى (كەيىنىرەك پۋتين نازارباەۆتى جاڭا جىلمەن قۇتتىقتادى). وسى كەزدەسۋدەن كەيىن بىردەن ءماجىلىس دەپۋتاتى VIII شاقىرىلىم سامات نۇرتازا بۇل كەزدەسۋ تۋرالى الاڭداۋشىلىعىن بىلدىرگەن، ال جۋرناليست اسەت ماتاەۆ كەزدەسۋدى تالقىلاي وتىرىپ، بۇل ماڭىزدى حابارلاما ما الدە ساياسي قاتەلىك پە دەگەن سۇراق قويدى. بۇل كەزدەسۋ سۇراقتار تۋعىزۋمەن قاتار، كەم دەگەندە، تاڭعالدىردى. 21 جەلتوقسان كۇنى كازتاگ اگەنتتىگى حابارلاعانداي، دەپۋتات باپي نازارباەۆتىڭ پۋتينگە بارۋىن «ءساتسىز ارەكەت» دەپ اتاپ، ونى اقش-تا اشىلۋى مۇمكىن «قازاحگەيت-2» ىسىمەن بايلانىستىردى.
