Мемлекет басшысы Қасым-Жомарт Тоқаев Президент әкімшілігі басшысының бірінші орынбасары лауазымының қайта енгізілуін түсіндірді, деп хабарлайды "Адырна" ұлттық порталы ҚазТАГ агенттігіне сілтеме жасап.
Мемлекет басшысы бұл туралы бүгін Президент әкімшілігі басшысының бірінші орынбасары Дархан Сатыбалдыны қабылдау кезінде айтты.
«Президент әкімшілігі басшысының бірінші орынбасары лауазымының енгізілуі басқару үдерістерін және өңірлермен өзара іс-қимылды жетілдіру, шешімдер мен оның тапсырмаларының орындалуын жергілікті жерлерде бақылауды күшейту, сондай-ақ қабылданатын шаралардың сапасын арттыру және азаматтардың мемлекеттік институттарға деген сенімін нығайту мақсатында жүзеге асырылып отыр», — деді Тоқаев.
Еске сала кетейік, мемлекет басшысы бұрын таратылған Президент әкімшілігі басшысының бірінші орынбасары лауазымын қайта енгізіп, бұл қызметке Дархан Сатыбалдыны тағайындады.
