جوعارى لاۋازىمدى تۇلعالاردىڭ سىبايلاس جەمقورلىق ىستەرىن تەرگەۋ باسقارماسى (CIO) تەرگەۋشىلەرىنىڭ پرەزيدەنت رەزيدەنتسياسىنا يۋن سوك ءيولدى ۇستاۋ ءۇشىن بارعانىنان كەيىن بەس ساعات وتكەن سوڭ، ساعات 13:30-دا وردەردى ورىنداۋدى توقتاتقانىن مالىمدەدى. بۇل تۋرالى Yonhap News Agency جاريالادى، دەپ حابارلايدى.
“وردەردى ورىنداۋ جالعاسىپ جاتقان قارسىلىققا بايلانىستى ءىس جۇزىندە مۇمكىن ەمەس دەپ شەشتىك جانە قىزمەتكەرلەردىڭ قاۋىپسىزدىگىنە الاڭداۋشىلىق سەبەپتى ونى توقتاتتىق”، – دەپ مالىمدەدى CIO باسپاسوزگە ارنالعان حابارلاماسىندا.
CIO وكىلدەرى تەكسەرۋ جۇرگىزىلگەن سوڭ، كەلەسى قادامدار تۋرالى شەشىم قابىلدايتىنىن ايتتى.
“ ءبىز زاڭمەن بەلگىلەنگەن راسىمدەردى ورىنداۋدان باس تارتقان كۇدىكتىنىڭ ارەكەتىنە بايلانىستى تەرەڭ وكىنىش بىلدىرەمىز”، — دەپ تولىقتىردى ۆەدومستۆو.
بۇعان دەيىن حابارلانعانداي، قىزمەتىنەن شەتتەتىلگەن وڭتۇستىك كورەيا پرەزيدەنتى يۋن سوك ءيولدىڭ رەزيدەنتسياسىنا كەلگەن تەرگەۋشىلەر ونى ۇستاۋ بارىسىندا اسكەري قىزمەتشىلەردىڭ قارسىلىعىنا تاپ بولدى.
ۇستاۋ شاراسى سوتتىڭ بۇرىن شىعارعان وردەرى نەگىزىندە جۇرگىزىلۋدە.
ەسكە سالساق، 14 جەلتوقساندا وڭتۇستىك كورەيا پارلامەنتىنىڭ 300 مۇشەسىنىڭ 204-ءى يۋن سوك ءيولدى پرەزيدەنتتىك قىزمەتىنەن شەتتەتۋگە داۋىس بەرگەن بولاتىن. بۇل شەشىم ەلدە ونىڭ اسكەري جاعداي ەنگىزۋىنە بايلانىستى قابىلدانعان.
