اقتاۋ ماڭىنداعى ۇشاق اپاتىنىڭ قۇرباندارىنا ارناپ قازاق تىلىندە ءان شىعارىلدى، دەپ حابارلايدى “ادىرنا” ۇلتتىق پورتالى قازتاگ-قا سىلتەپ.
«ءبىر ۇيانىڭ ەگىزىمىز
ورتاق ايدىن تەڭىزىمىز
بىرىمىزگە ەڭ جىپ-جىلى
لەبىزىمىز
ءبىرىمىزدى ىزدەۋمەنەننە بار بىرگە ءبىز كورمەگەن؟!
قۋانىش پەن قايعىم ورتاق
سىزدەرمەنەن
ءبىر كەم دۇنيە!
قينالسا دا مەيلى جانىم-اي
ءۇمىت كەلەر شولپان تاڭ»، – دەلىنگەن ءاننىڭ ماتىنىندە.
«تەڭىز-جۇرەك» ءانى قازاق جانە ازەربايجان تىلدەرىندە شىرقالعان. ال بۇعان دەيىن اپاتقا ارناپ، ازەربايجان جانە ورىس تىلدەرىندە وزگە ءان شىقتى.
قازاق ءتىلدى ءاننىڭ مۋزىكاسىن رەنات گايسين جازعان، ءسوزىن دانيار الدابەرگەن مەن ەلميرا دەحگاني جازعان.
ەسكە سالا كەتەيىك، اقتاۋ اۋەجايى ماڭىندا Azerbaijan Airlines كومپانياسىنىڭ جولاۋشىلار ۇشاعى اپاتقا ۇشىرادى. باكۋ–گروزنىي باعىتى بويىنشا ۇشقان ۇشاقتىڭ اپاتقا ۇشىراۋ سەبەبى الدىن الا اتالدى.
AZAL اۆياكومپانياسى اقتاۋ ماڭىندا اپاتقا ۇشىراعان ۇشاقتىڭ جولاۋشىلار ءتىزىمىن جاريالادى. 287 ادام جانە 65 تەحنيكا جۇمىس ىستەپ جاتىر. جاڭارتىلعان مالىمەت بويىنشا، 29 ادام زارداپ شەكتى. ۇشاقتا امان قالعاندار تىزىمىندە قازاقستان ازاماتتارى جوق.
