ۋكراينا كۇشتەرى العاش رەت تەك جەردەگى كولىكتەر مەن باسقارىلاتىن ۇشقىشسىز اپپاراتتاردى پايدالانىپ شابۋىل جاسادى، دەپ حابارلايدى "ادىرنا" ۇلتتىق پورتالى ينتەرفاكس-قا سىلتەپ.
20 جەلتوقساندا امەريكانىڭ سوعىس زەرتتەۋ ينستيتۋتى ۋكراينا كۇشتەرى العاش رەت تەك روبوتتاندىرىلعان جۇيەلەردى پايدالانىپ، شابۋىل جاساعانىن حابارلادى.
"حاركوۆ باعىتىندا ارەكەت ەتەتىن ۋكراينالىق بريگادانىڭ وكىلى 20 جەلتوقساندا ۋكراينا كۇشتەرى العاش رەت تەك جەردەگى ۇشقىشسىز كولىكتەردى پايدالانىپ، ليپتسى ماڭىنداعى (حاركوۆتىڭ سولتۇستىگى) شابۋىلىن ءساتتى وتكىزگەنىن مالىمدەدى. شابۋىل بارىسىندا بەلگىسىز رەسەيلىك پوزيتسيالار جويىلعان. وكىلدىڭ ايتۋىنشا، ۋكراينا كۇشتەرى ونداعان پۋلەمەتپەن جابدىقتالعان UGV-لاردى پايدالانىپ، پوزيتسيالاردى مينالاۋ جانە مينادان تازالاۋ جۇمىستارىن دا اتقارعان", – دەلىنگەن حابارلامادا.
بۇل وپەراتسيا ۋكراينانىڭ سوعىس تەحنيكاسىن يننوۆاتسيالىق تۇردە قولدانۋداعى جاڭا قادامدارى رەتىندە سيپاتتالۋدا.
