ۋكراينالىق ءجۋرناليستىڭ ەكىۇداي جازباسى داۋ تۋدىردى

1412
Adyrna.kz Telegram
https://adyrna.kz/content/uploads/2025/05/photo-output-21-960x500.jpeg?token=ca1d3c7e3dc5f2ed31c7988913448b49
ۋكراينا پرەزيدەنتىنىڭ بۇرىنعى ءباسپاسوز حاتشىسى، جۋرناليست يۋليا مەندەلدىڭ 9 مامىرداعى ماسكەۋدەگى اسكەري پاراد تۋرالى Instagram جەلىسىندە ەكىۇداي جازبا جاريالاۋى داۋى تۋدىردى، دەپ حابارلايدى “ادىرنا” ۇلتتىق پورتالى Stan.kz اقپارات اگەنتتىگىنە سىلتەپ. مەندەل ءوزىنىڭ جازباسىندا پارادقا ەكىنشى دۇنيەجۇزىلىك سوعىسقا "سونشالىقتى تاريحي قاتىسى جوق ەلدەردىڭ" ساربازدارى قاتىسىپ جاتقانىن ايتقان. الايدا سونىڭ الدىندا بىرنەشە ەلدىڭ قاتارىنا قازاقستاندى دا قوسقان. “قىتايدىڭ، ۆەتنامنىڭ، قازاقستاننىڭ جانە ەكىنشى دۇنيەجۇزىلىك سوعىسقا تاريحي تۇرعىدا سونشالىقتى قاتىسى جوق وزگە دە ەلدەردىڭ اسكەرلەرى ماسكەۋدەگى پارادقا قاتىسىپ جاتىر. پۋتين ءۇشىن بۇل پاراد ەندى ەستەلىك ەمەس، بۇل – اۆتوكراتيالىق رەجيمدەر اراسىنداعى بىرلىكتىڭ كورىنىسى”، – دەپ جازدى ول. بۇل پىكىر الەۋمەتتىك جەلىدە قىزۋ تالقىعا ءتۇستى. قولدانۋشىلار يۋليا مەندەلدىڭ بۇل مالىمدەمەسىن تاريحي ساۋاتسىزدىق دەپ باعالاپ، قازاقستاننىڭ سوعىسقا قوسقان ۇلەسىن ەسكە سالدى. “بۇل – مەن كەزدەستىرگەن تاريحي ساۋاتسىز مالىمدەمەلەردىڭ ءبىرى”، – دەپ جازدى جەلى قولدانۋشىلارىنىڭ ءبىرى. سونداي-اق قولدانۋشىلار تاريحي دەرەك كەلتىرە وتىرىپ، قاراعاندىدان شىققان ءتورت قازاق قىزىنىڭ تانكتىك ەكيپاج بولعانىن، ولاردىڭ 1944 جىلى ءىز-ءتۇزسىز جوعالىپ كەتكەنىن دە ەسكە سالدى. قازاقستاندىقتار يۋليا مەندەلدى تاريحي فاكتىلەردى بۇرمالاعانى ءۇشىن سىنعا الدى.
پىكىرلەر