پرەمەر-مينيستر ولجاس بەكتەنوۆ ۇلتتىق ەكونوميكا مينيسترلىگى ۇجىمىنا جاڭا مينيستر سەرىك جۇمانعاريندى تانىستىردى، دەپ حابارلايدى "ادىرنا" ۇلتتىق پورتالى.
بۇل تۋرالى ۇكىمەت باسشىسىنىڭ ءباسپاسوز قىزمەتى حابارلادى.
ولجاس بەكتەنوۆ بۇگىن نۇرلان بايبازاروۆقا پرەمەر-ءمينيستردىڭ ورىنباسارى – ۇلتتىق ەكونوميكا ءمينيسترى رەتىندە اتقارعان جۇمىستارى ءۇشىن العىس ايتىپ، الداعى قىزمەتىنە ساتتىلىك تىلەدى.
ول جاڭا مينيستر سەرىك جۇمانعاريندى تانىستىرۋ بارىسىندا ۇكىمەت باسشىسى ۆەدومستۆونىڭ الداعى كەزەڭدەگى باسىم مىندەتى مەملەكەت باسشىسىنىڭ ەكونوميكانىڭ سەرپىندى ءوسىمىن قامتاماسىز ەتۋ جونىندەگى تاپسىرماسىن ورىنداۋ ەكەنىن اتاپ ءوتتى.
سالانىڭ جاڭا باسشىسىنا ەكونوميكاداعى قۇرىلىمدىق وزگەرىستەر، بيۋدجەتتىك-سالىق ساياساتىنىڭ تيىمدىلىگى مەن بيۋدجەت پارامەترلەرىن بولجاۋ دەڭگەيىن ارتتىرۋ بويىنشا جۇمىستى كۇشەيتۋ تاپسىرىلدى.
سونىمەن قاتار، باسىم سالالارداعى ەكونوميكالىق ءوسۋدى قامتاماسىز ەتۋ ءۇشىن ۇلتتىق ەكونوميكا مينيسترلىگىنە بيزنەستى قولداۋدىڭ تەڭگەرىمدى ساياساتىن جانە ءتاريفتى رەتتەۋدىڭ تەڭگەرىمدى ساياساتىن جۇرگىزۋ مىندەتى قويىلدى.
