Premer-Mınıstr Oljas Bektenov ulttyq ekonomıka mınıstrligi ujymyna jańa mınıstr Serik Jumanǵarındi tanystyrdy, dep habarlaıdy "Adyrna" ulttyq portaly.
Bul týraly úkimet basshysynyń baspasóz qyzmeti habarlady.
Oljas Bektenov búgin Nurlan Baıbazarovqa Premer-Mınıstrdiń orynbasary – Ulttyq ekonomıka mınıstri retinde atqarǵan jumystary úshin alǵys aıtyp, aldaǵy qyzmetine sáttilik tiledi.
Ol jańa mınıstr Serik Jumanǵarındi tanystyrý barysynda Úkimet basshysy vedomstvonyń aldaǵy kezeńdegi basym mindeti memleket basshysynyń ekonomıkanyń serpindi ósimin qamtamasyz etý jónindegi tapsyrmasyn oryndaý ekenin atap ótti.
Salanyń jańa basshysyna ekonomıkadaǵy qurylymdyq ózgerister, bıýdjettik-salyq saıasatynyń tıimdiligi men bıýdjet parametrlerin boljaý deńgeıin arttyrý boıynsha jumysty kúsheıtý tapsyryldy.
Sonymen qatar, basym salalardaǵy ekonomıkalyq ósýdi qamtamasyz etý úshin Ulttyq ekonomıka mınıstrligine bıznesti qoldaýdyń teńgerimdi saıasatyn jáne tarıfti retteýdiń teńgerimdi saıasatyn júrgizý mindeti qoıyldy.
