2025 جىلى ايىپپۇل مەن جاردەماقى كولەمى وسەدى، دەپ حابارلايدى “ادىرنا” ۇلتتىق پورتالى.
1 ايلىق ەسەپتىك كورسەتكىش 3 932 تەڭگە بولادى. جاڭا جىلدان باستاپ الەۋمەتتىك تولەمدەرمەن قاتار ايىپپۇل مولشەرى دە ۇلعاياتىنى ءمالىم بولدى.
ەندى كولىك باسقارۋ كەزىندە تەلەفون ارقىلى سويلەسكەن نە بەلبەۋ تاقپاعان جۇرگىزۋشىگە 5 ايلىق ەسەپتىك كورسەتكىش كولەمىندە ايىپپۇل سالىنادى. بۇل سوما كەلەسى جىلى شامامەن 20 مىڭ تەڭگە تەڭ. ال، تۇنگى وننان كەيىن كوشە كەزگەن بالالاردىڭ اتا-انالارى 12 مىڭ تەڭگەگە جۋىق ايىپپۇل تولەۋگە مىندەتتى.
ال زەينەتاقىنىڭ ەڭ تومەنگى مولشەرى 62 771 تەڭگەنى قۇراماق. بالا كۇتىمى ءۇشىن ۇلەستىرىلەتىن اي سايىنعى جاردەماقى 21 265 تەڭگەدەن 22 648 تەڭگەگە ارتادى.
رەسمي مالىمدەمەدە، ەڭ تومەنگى كۇنكورىس دەڭگەيى 46 228 تەڭگەگە ۇلعايعانى كورسەتىلگەن.
سونداي-اق قوعامدىق ورىندا تۇكىرگەن نەمەسە بەلگىلەنبەگەن جەرگە قوقىس تاستاپ، قۇقىق بۇزعان ادام دا وسى 19 مىڭ تەڭگەنى تولەيدى.
ال مۇعالىمدى نە دارىگەر مامانداردى بالاعاتتاعان كىسى 39 000 تەڭگە ايىپپۇل ارقالايدى.
