سەمەيدە قايرات رىسقۇلبەكوۆ ەسكەرتكىشىنە گۇل شوقتارى قويىلدى. تاۋەلسىزدىك كۇنى سەمەيدە ەل تاۋەلسىزدىگى جولىندا ۇلەس قوسقان باتىرلاردى ەسكە الدى.
سالتاناتتى شاراعا اباي وبلىسىنىڭ اكىمى نۇرلان ۇرانحاەۆ، وبلىستىق ءماسليحات توراعاسى شالقار بايبەكوۆ، جەلتوقسان وقيعاسىنا قاتىسۋشىلار، ارداگەرلەر، جاستار مەن قالا تۇرعىندارى قاتىستى.
ءىس-شارا ءبىر مينۋت ۇنسىزدىكتەن باستالدى. وسىدان كەيىن ەلىمىزدىڭ مەملەكەتتىك ءانۇرانى شىرقالدى.
قايرات رىسقۇلبەكوۆ — جەلتوقسان وقيعاسىنا قاتىسۋشىلاردىڭ ءبىرى. ول ادام قۇقىقتارى مەن تاۋەلسىزدىك ءۇشىن كۇرەستە باتىلدىق پەن تاباندىلىقتىڭ سيمۆولىنا اينالدى. ونىڭ ەرلىگى قازاقستان تاريحىندا وشپەس ءىز قالدىرىپ، وسكەلەڭ ۇرپاقتىڭ ۇلگى تۇتار تۇلعاسىنا اينالدى.
