الماتىنىڭ ورتالىق ستاديونىنىڭ باسشىسى "استانا" - "چەلسي" ماتچى الدىندا تريبۋنالاردىڭ ۋاقىتىلى تازالانباۋىنا بايلانىستى قىزمەتىنەن بوساتىلدى، دەپ حابارلايدى “ادىرنا” ۇلتتىق پورتالى.
اقپاراتقا سايكەس، «استانا» مەن «چەلسي» فۋتبول كلۋبتارى اراسىنداعى ويىندى تاماشالاۋعا بارعان جانكۇيەرلەر قار باسقان ورىنداقتارعا قاتىستى شاعىم ايتىپ، نارازىلىق بىلدىرگەن.
«الماتى قالاسى ورتالىق ستاديونىنىڭ باتىس سەكتورىنداعى التى قاتارداعى ورىندىقتاردىڭ (ورتالىق ستاديونداعى جالپى ورىن سانىنىڭ 2,7%) اراسىنداعى قاردىڭ ۋاقىتىلى تازالانباۋىنا بايلانىستى تۋىنداعان قولايسىزدىقتار ءۇشىن جانكۇيەرلەردەن كەشىرىم سۇرايمىز. الداعى ۋاقىتتا مۇنداي وقيعالاردى بولدىرماۋ ءۇشىن تەكسەرۋ جۇرگىزىلەدى. ورتالىق ستاديون نىسانىنىڭ مەڭگەرۋشىسى باۋىرجان جۇماجانوۆ قىزمەتىنەن بوساتىلدى»، – دەلىنگەن الماتى قالاسىنىڭ سپورت نىساندارى ديرەكتسياسىنىڭ حابارلاماسىندا.
