بۇگىن قر تۋريزم جانە سپورت ءمينيسترى ەربول مىرزابوسىنوۆ قىزمەتىنە كىرىسكەنىنە 100 كۇن تولدى. وسى كەزەڭدە اتقارىلعان جۇمىستار مەن الداعى جوسپارلار تۋرالى مينيستر الەۋمەتتىك جەلىدەگى پاراقشاسىندا ءبولىستى، دەپ حابارلايدى “ادىرنا” ۇلتتىق پورتالى.
ءمينيستردىڭ ايتۋىنشا، وسى ۋاقىت ارالىعىندا مەملەكەت باسشىسىنىڭ تاپسىرمالارىنا سايكەس ناقتى ماقساتتار قويىلىپ، سولاردى جۇزەگە اسىرۋ باعىتىندا بىرقاتار ماڭىزدى جۇمىستار اتقارىلدى.
اتقارىلعان جۇمىستار
مەملەكەت باسشىسىنىڭ تاپسىرماسىنا سايكەس، قر تۋريزم جانە سپورت مينيسترلىگىنىڭ جانىنان وڭىرلەردەگى سپورت باسقارماسىنىڭ باسشىلارىن تاعايىنداۋ جونىندەگى كوميسسيا قۇرىلدى. وليمپيادا چەمپيوندارى، سپورت سالاسىنىڭ بىلىكتى مەنەدجەرلەرى وڭىرلىك سپورت باسقارماسىنىڭ باسشىسى بولىپ تاعايىندالدى.
سپورت فەدەراتسيالارى پرەزيدەنتتەرىنىڭ تاعايىندالۋىنا باستاماشى بولىپ، كانديداتتاردى ۇسىنىپ، ولاردىڭ قىزمەتىنىڭ نەگىزگى كورسەتكىشتەرىن (KPI) ايقىندايمىز.
ەلىمىزدىڭ وڭىرلەرىندەگى سپورت سالاسىنىڭ ناقتى جاعدايىن ايقىنداۋ ماقساتىندا ارنايى مونيتورينگتىك توپ قۇرىلىپ، وڭىرلەردەگى سپورت رەزەرۆىن دايارلاۋ جانە جوعارى سپورت جەتىستىكتەرىن تالداۋ جۇمىستارى جۇرگىزىلدى.
پارلامەنت ماجىلىسىندە «دەنە شىنىقتىرۋ جانە سپورت ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى» زاڭ جوباسى ءبىرىنشى وقىلىمدا ماقۇلداندى.
قىركۇيەك ايىنان باستاپ بۇگىنگى كۇنگە دەيىن ەلىمىزدىڭ سپورتشىلارى 72 حالىقارالىق جارىستارعا قاتىسىپ، ناتيجەسىندە 600 مەدال (236 – التىن، 178 – كۇمىس، 186 – قولا) جەڭىپ الدى.
پاريجدە وتكەن XVII جازعى پاراليمپيادادا ۇلتتىق قۇراما سپورتشىلارى 2 التىن، 3 كۇمىس، 4 قولا مەدال ولجالاپ، جالپىكوماندالىق ەسەپتە 39-ورىنعا يە بولدى.
ەلوردادا 5-ءشى دۇنيەجۇزىلىك كوشپەندىلەر ويىندارىن ۇيىمداستىرىپ، بايراقتى باسەكەدە ۇلتتىق قۇراما 43 التىن، 32 كۇمىس جانە 37 قولا مەدال (بارلىعى 112 مەدال) يەلەنىپ، جالپىكوماندالىق 1-ورىنعا يە بولدى.
بۋداپەشتە IJF-ءتىڭ شتاب-پاتەرىندە حالىقارالىق دزيۋدو فەدەراتسياسىنىڭ پرەزيدەنتى ماريۋس ۆيزەرمەن كەزدەسىپ، قازاقستاندا IJF اكادەمياسىنىڭ فيليالىن اشۋ جانە 2027 جىلى دزيۋدودان الەم چەمپيوناتىن وتكىزۋ تۋرالى كەلىسىمگە كەلدىك.
مەملەكەت باسشىسىنىڭ تاپسىرماسىمەن 2026 جىلى قازاقستاندا ءداستۇرلى سپورت تۇرلەرى مەن كيبەرسپورتتى بىرىكتىرەتىن «بولاشاقتىڭ ويىندارىن» وتكىزۋ مۇمكىندىگىنە يە بولدىق.
دەنە شىنىقتىرۋ جانە بۇقارالىق سپورت اكادەمياسى فرانتسياداعى INSEP ۇلتتىق سپورت، ساراپتاما جانە ونىمدىلىك ينستيتۋتىمەن ىنتىماقتاستىق ورناتتى.
زاماناۋي كوشپەندىلەرگە ساياحاتتاپ، قاشىقتان جۇمىس ىستەيتىن شەتەلدىك تۋريستەرگە ارنالعان جاڭا Neo Nomad ۆيزاسى ەنگىزىلدى.
ۇلى جىبەك جولىنىڭ ىزىمەن ساياحاتتاۋعا مۇمكىندىك بەرەتىن Jibek joly تۋريستىك پويىزى ىسكە قوسىلدى.
قاراشادا الماتىدا قىتايداعى قازاقستان ءتۋريزمى جىلىنىڭ سالتاناتتى جابىلۋىنا ارنالعان حالىقارالىق فورۋم ءوتتى.
مەملەكەت باسشىسىنىڭ تاپسىرماسىنا سايكەس ششۋچينسك-بۋراباي كۋرورتتىق ايماعىن دامىتۋ جونىندەگى ارنايى كەشەندى جوسپار ازىرلەندى.
ويىن بيزنەسى، لوتەرەيا قىزمەتى ماسەلەلەرى جونىندەگى زاڭدى جۇزەگە اسىرۋ ماقساتىندا 12 زاڭعا تاۋەلدى نورماتيۆتىك-قۇقىقتىق اكتىلەر بەكىتىلدى.
العاش رەت ونلاين كازينو جۇمىسىنىڭ ترانزاكتسياسى بۇعاتتالدى.
جوسپارلار
الداعى ۋاقىتتا دەنە شىنىقتىرۋ جانە سپورتتىڭ تسيفرلىق پلاتفورماسىن (E-Sport) ىسكە قوسىلادى.
كەلەسى جىلدىڭ اقپانىندا قازاقستان ۇلتتىق قۇراماسىنىڭ سپورتشىلارى قىتايدىڭ حاربين قالاسىندا وتەتىن قىسقى ازيا ويىندارىنا قاتىسادى.
دەنە شىنىقتىرۋ جانە سپورت ماسەلەلەرى بويىنشا وزگەرىستەر مەن تولىقتىرۋلار ەنگىزىلگەن زاڭ جوباسى جانە زاڭعا تاۋەلدى نورماتيۆتىك-قۇقىقتىق اكتىلەردى قابىلداۋ جۇمىستارى جۇرگىزىلۋدە.
2025 جىلدىڭ قاڭتارىندا سپورتتىق اتاقتار مەن رازريادتاردى بەرۋ ەرەجەلەرىن جاڭارتاتىن جاڭا بۇيرىق قابىلدانادى. بۇل بۇيرىق سپورتتىڭ بارلىق تۇرلەرىنە وزگەرىستەر ەنگىزۋدى قاراستىرادى.
مەملەكەت باسشىسىنىڭ تاپسىرماسى بويىنشا استانادا ۇلتتىق سپورت ۋنيۆەرسيتەتىنىڭ قۇرىلىسى اياقتالىپ، قولدانىسقا بەرىلەدى.
2025 جىلى بالالار سپورت مەكتەپتەرىن جان باسىنا قارجىلاندىرۋ جۇيەسى پيلوتتىق جوبا رەتىندە ەنگىزىلدى.
2026 جىلعى يتاليانىڭ ميلان جانە كورتينا-د امپەتستسو قالالارىندا وتەتىن 25-ءشى قىسقى وليمپيادا مەن لوس-اندجەلەستەگى 34-ءشى جازعى وليمپياداعا دايىندىق تسيكلى باستالىپ، ءتيىستى جۇمىستار جۇرگىزىلۋدە.
باسقارۋ ۆەرتيكالىن قالپىنا كەلتىرۋ جونىندەگى ءىس-شارالار ودان ءارى جالعاسادى.
2025 جىلى قازاقستاندا قىتايدىڭ تۋريزم جىلى وتەدى.
ماڭعىستاۋ كۋرورتتىق ايماعىن جانە الماتى تاۋ كلاستەرىن دامىتۋدىڭ كەشەندى جوسپارلارىن ازىرلەۋ جۇمىستارى باستالدى.
مەملەكەت باسشىسىنىڭ تاپسىرماسى بويىنشا ITB Berlin حالىقارالىق تۋريستىك كورمەسىنە 2026 جىلى قازاقستاننىڭ سەرىكتەس ەل مارتەبەسىندە قاتىسۋ ماسەلەلەرى پىسىقتالۋدا.
بۋكمەكەرلىك كەڭسەلەر مەن توتاليزاتورلار ءۇشىن ءباس تىگۋ بويىنشا بىرىڭعاي ەسەپكە الۋ جۇيەسى قۇرىلادى.
