ماڭعىستاۋ وبلىسىنىڭ بەينەۋ اۋدانىندا «وتپان» جوباسى اياسىندا ءۇش تىرەك مەكتەپ تانىستىرىلدى.
بەينەۋ اۋىلىنىڭ تۇرعىندارى ءۇشىن جىل جاعىمدى جاڭالىقپەن اياقتالۋدا، 5 مىڭنان استام وقۋشى ءبىلىم الاتىن ءۇش مەكتەپ وڭىرلىك ءبىلىم ساپاسىن ارتتىرۋ باعدارلاماسىنىڭ قاتىسادى.
«وتپان» جوباسى قر ۇكىمەتىنىڭ باستاماسىمەن ءبىلىم بەرۋ سالاسىن تۇراقتى دامىتۋ قورىنىڭ اۋىلدىق تىرەك مەكتەپتەرىن قۇرۋداعى تابىستى تاجىريبەسى نەگىزىندە باستالدى. باستاما 50 مەكتەپتى قامتىپ، 60 مىڭ وقۋشى مەن 7 مىڭ پەداگوگتىڭ دامۋىنا جاعداي جاساۋدى كوزدەيدى جانە جەكە ينۆەستيتسيالار ەسەبىنەن جۇزەگە اسىرىلادى.
«مەملەكەت ءبىلىم ساپاسىن ارتتىرۋعا ەرەكشە كوڭىل بولۋدە. قالا مەن اۋىل مەكتەپتەرى اراسىنداعى الشاقتىقتى ازايتۋ ماقساتىندا وتكەن جىلى «اۋىل مەكتەبى – ساپا الاڭى» رەسپۋبليكالىق جوباسى ازىرلەنگەن بولاتىن، ونىڭ اياسىندا جەكە ينۆەستورلاردىڭ قاتىسۋىمەن بىرقاتار وڭىرلىك كىشى جوبالار جۇزەگە اسىرىلۋدا. بۇل ءجاي عانا جوبا ەمەس، ءبىلىم بەرۋ ۇيىمدارىنىڭ ماتەريالدىق-تەحنيكالىق بازاسىن جاڭارتۋ مەن زاماناۋي ءبىلىم بەرۋ قۇرالدارىمەن جابدىقتاۋعا، پەداگوگيكالىق كادرلاردىڭ ساپاسىن ارتتىرۋعا باعىتتالعان باستامالار كەشەنى. جوبانىڭ العاشقى ناتيجەلەرى قازىردىڭ وزىندە اۋىل مەكتەپتەرىندە ءبىلىم ساپاسىنىڭ ورتاشا العاندا 7-9%-عا وسكەنىن كورسەتۋدە»، - دەپ اتاپ ءوتتى وقۋ-اعارتۋ ءمينيسترى عاني بەيسەمباەۆ.
جوبانىڭ تيىمدىلىگىن ارتتىرۋ ماقساتىندا مەكتەپتەردى ادىستەمەلىك سۇيەمەلدەۋ ءۇشىن سەرىكتەس رەتىندە «نازارباەۆ زياتكەرلىك مەكتەپتەرى» دەربەس ءبىلىم بەرۋ ۇيىمى مەن «ءبىلىم-يننوۆاتسيا» حالىقارالىق قورى تارتىلدى.
مەكتەپتەردى جاڭعىرتۋدى اياقتاعان جوبانىڭ العاشقى دەمەۋشىلەرىنىڭ ءبىرى – Halyk قايىرىمدىلىق قورى. قور مۇعالىمدەردى وقىتۋ مەن بەينەۋ اۋىلىنداعى ءۇش مەكتەپتىڭ ماتەريالدىق-تەحنيكالىق بازاسىن جاڭارتۋعا قولداۋ كورسەتتى.
جۇرگىزىلگەن جۇمىستاردىڭ ناتيجەسىندە ءبىلىم بەرۋ مەكەمەلەرى ساپا مەن قاۋىپسىزدىكتىڭ جوعارى تالاپتارىنا ساي زاماناۋي جابدىقتارمەن قامتىلدى، بۇل وقىتۋ جاعدايلارىن جاقسارتىپ، وقۋشىلاردىڭ داعدىلارىن دامىتۋعا ىقپال ەتتى. 50-دەن استام ءبىلىم بەرۋ كەڭىستىگى جاڭارتىلدى، ونىڭ ىشىندە باستاۋىش سىنىپ كابينەتتەرى، حيميا، فيزيكا، بيولوگيا، ينفورماتيكا جانە روبوتوتەحنيكا كابينەتتەرى دە بار. سىنىپتار شىعارماشىلىق ستيلدە بەزەندىرىلىپ، جايلى جانە شابىتتاندىراتىن ءبىلىم بەرۋ ورتاسىن قۇرۋعا سەپتىگىن تيگىزەدى، بۇل وقۋشىلاردىڭ شىعارماشىلىق ويلاۋىن دامىتىپ، وقۋعا دەگەن قىزىعۋشىلىعىن ارتتىرادى. بالالاردىڭ ءۇزىلىس كەزىندەگى جانە بوس ۋاقىتتارىن ءتيىمدى پايدالانۋ ماقساتىندا ارت- جانە تەلەستۋديالار اشىلىپ، وقۋشىلار ءۇشىن دەمالىس الاڭدارى قۇرىلعان،
290-نان استام مۇعالىم زاماناۋي وقىتۋ ادىستەمەلەرى بويىنشا ءبىلىم الىپ جاتىر، ال پسيحولوگتار مەن مەكتەپ اكىمشىلىگى كاسىبي بىلىكتىلىكتەرىن ارتتىرۋ بويىنشا جۇمىس جۇرگىزۋدە.
«قور قىزمەتىنىڭ نەگىزگى باعىتتارىنىڭ ءبىرى – ەلدەگى ءبىلىم بەرۋدى دامىتۋ. ءبىز الەۋمەتتىك وسال توپتاردان شىققان دارىندى بالالارعا گرانت ۇسىنامىز، مەكتەپتەر مەن وقۋ ورتالىقتارىن جابدىقتايمىز، مۇعالىمدەردى قولدايمىز، جوعارى سىنىپ وقۋشىلارىنا كاسىپكەرلىك نەگىزدەرىن ۇيرەتەمىز. 2016 جىلدان باستاپ قور ءبىلىم بەرۋ سالاسىن دامىتۋعا 10 ملرد تەڭگە ءبولدى، ونىڭ ىشىندە بەينەۋ اۋىلىنداعى مەكتەپتەردى جابدىقتاۋعا – 504 ملن تەڭگە جۇمسالدى. ءبىزدىڭ ماقساتىمىز – ەلىمىزدىڭ ءار بالاسىنا زاماناۋي تەحنولوگيالارعا تەڭ قولجەتىمدىلىكتى قامتاماسىز ەتۋ جانە ولاردىڭ بولاشاقتا باسەكەگە قابىلەتتى بولۋىنا جاعداي جاساۋ»، — دەپ اتاپ ءوتتى Halyk قورىنىڭ باسقارۋشى ديرەكتورى ناريمان ابىلشايكوۆ.
«وتپان» جوباسىنا قاتىسۋشى مەكتەپتەر كورشىلەس ءبىلىم بەرۋ مەكەمەلەرىنە دە ادىستەمەلىك قولداۋ كورسەتەدى، وسىلايشا ءبىلىم بەرۋ سالاسىن تۇراقتى دامىتۋ قورىنىڭ تىرەك مەكتەپتەر قاتارىن تولىقتىرادى دەپ جوسپارلانۋدا.
«2019 جىلى ءبىز Aitas حولدينگىنىڭ قولداۋىمەن تىرەك مەكتەپتەر جەلىسىن قۇرۋ جوباسىن باستادىق جانە ونى ەلىمىزدىڭ ءار وڭىرىندە دامىتۋدى جالعاستىرىپ كەلەمىز. «تىرەك مەكتەبى» مودەلى بەس جىلدان بەرى اۋىلداعى ءبىلىم بەرۋدى جاڭا دەڭگەيگە كوتەرۋگە كومەكتەسىپ كەلەدى. بۇل باستاما «وتپان» سياقتى جەكەلەگەن وڭىرلىك جوبالاردى دۇنيەگە اكەلدى. بۇل قالالاردا نەمەسە شالعاي اۋىلداردا بولسىن، بارلىق وقۋشىلارعا تەڭ ءبىلىم الۋ جانە دامۋ مۇمكىندىكتەرىن قامتاماسىز ەتۋگە باعىتتالعان قوردىڭ ماقساتىن ايشىقتايتىن جوبا»، - دەيدى ءبىلىم بەرۋ سالاسىن تۇراقتى دامىتۋ قورىنىڭ ديرەكتورى دانيار توقتارباەۆ.
ەكى جىلعا جوسپارلانعان «وتپان» جوباسى وقۋشىلاردىڭ وقۋ جەتىستىكتەرىن باقىلاۋ ارقىلى جۇزەگە اسىرىلىپ كەلەدى. بۇل ونىڭ تيىمدىلىگىن جانە ناتيجەلەرىن باعالاۋعا مۇمكىندىك بەرەدى. ول اياقتالعاننان كەيىن دە مەكتەپتەرگە جوبادان كەيىنگى سۇيەمەلدەۋ كورسەتىلەدى.
ەستەرىڭىزگە سالساق، قاراشا ايىندا «وتپان» جوباسىنىڭ العاشقى ناتيجەلەرى قازاقستان رەسپۋبليكاسى پرەمەر-ءمينيسترىنىڭ ورىنباسارى تامارا دۇيسەنوۆاعا تانىستىرىلدى. قازىر جوبا قر وقۋ-اعارتۋ مينيسترلىگىنىڭ قولداۋىمەن كەلەسى دەمەۋشىلەردىڭ قاتىسۋىمەن جۇزەگە اسىرىلۋدا: Aitas حولدينگى، Ordabasy Group كومپانياسى، Halyk قايىرىمدىلىق قورى، NCOC كومپانياسى، «قازمۇنايگاز» ۇك اق.
ءبىلىم بەرۋ سالاسىن تۇراقتى دامىتۋ قورى
ءبىلىم بەرۋ سالاسىن تۇراقتى دامىتۋ قورى – Aitas حولدينگىنىڭ نەگىزىن قالاعان كاسىپكەر سەرىك تولىقپاەۆتىڭ باستاماسىمەن قۇرىلعان كوممەرتسيالىق ەمەس ۇيىم. 2019 جىلى قۇرىلعان ۋاقىتىنان باستاپ قور ءبىلىم ساپاسىنداعى تەڭسىزدىكتى جويۋعا باعىتتالعان وزگەرىستەردىڭ قوزعاۋشى كۇشىنە اينالدى. بۇگىندە قوردىڭ جوبالارى ەل اۋماعىندا 325 تىرەك جانە شاعىن جيناقتالعان مەكتەپتى قامتيدى. ولاردا 160 مىڭنان استام وقۋشى ءبىلىم الادى جانە 11 مىڭعا جۋىق مۇعالىم جۇمىس ىستەيدى. بۇل باعدارلامالار اياسىندا 5500-دەن استام وقۋ كابينەتى جابدىقتالىپ، 40 ملرد. تەڭگەدەن استام دەمەۋشىلىك قاراجات تارتىلدى.
ماڭعىستاۋ وبلىسىندا قور ەكى جوبانىڭ وپەراتورى بولىپ تابىلادى: «اۋىلدىق جەرلەردە تىرەك مەكتەپتەردىڭ الەۋەتىن دامىتۋ» جوباسى، ول Qazaqstan Halkyna قورى، Aitas حولدينگى جانە «نازارباەۆ زياتكەرلىك مەكتەپتەرى» دبۇ-مەن بىرلەسىپ جۇزەگە اسىرىلادى. سونداي-اق «وتپان» جوباسى، ول دەمەۋشىلەردىڭ قولداۋىمەن، «نازارباەۆ زياتكەرلىك مەكتەپتەرى» دببۇ جانە «ءبىلىم-يننوۆاتسيا» حالىقارالىق قورىمەن بىرلەسىپ ىسكە اسىرىلۋدا. ەكى جوبا قاتىسۋشىلارى دا ادىستەمەلىك قولداۋ مەن ماتەريالدىق-تەحنيكالىق بازانى جاڭارتۋ تۇرىندەگى كومەك الادى.
Halyk قورى تۋرالى
Halyk قايىرىمدىلىق قورى، 2016 جىلى تيمۋر جانە دينارا قۇلىباەۆتاردىڭ باستاماسىمەن قۇرىلعان، جالپى سوماسى 85 ميلليارد تەڭگەدەن اساتىن 120-دان استام الەۋمەتتىك جوبانى جۇزەگە اسىردى. «وتپان» جوباسى – قوردىڭ ماڭعىستاۋ وبلىسىن دامىتۋعا باعىتتالعان ماڭىزدى باستامالارىنىڭ ءبىرى. 2023 جىلدان باستاپ قور ماڭعىستاۋ وبلىسىنا 4 ميلليارد تەڭگە ءبولدى: 1,8 ميلليارد تەڭگە – بەينەۋ استىق تەرمينالىنىڭ جۇمىسىن قايتا جانداندىرۋعا، 565 ميلليون تەڭگە – اقشۇقىر جانە سايىن شاپاعاتوۆ اۋىلدارىنىڭ 25 000 تۇرعىنى ءۇشىن تۇششىلاندىرۋ جۇيەسىن ورناتۋعا، 530 ميلليون تەڭگە – بالالارعا ارنالعان 50-دەن استام نىساننىڭ قۇرىلىسىنا، 1 ميلليارد تەڭگە – جاڭاوزەندە 4 گەكتار اۋماقتى قامتيتىن دەنە شىنىقتىرۋ-ساۋىقتىرۋ كەشەنىن سالۋعا باعىتتالدى. 2023 جىلدىڭ قورىتىندىسى بويىنشا قور ماڭعىستاۋ وبلىسىنداعى قوعامدىق باستامالار مەن قايىرىمدىلىق سالاسىنداعى قىزمەتى ءۇشىن «جىل مەتسەناتى» ماراپاتىن الدى.
ماڭعىستاۋ وبلىسىنداعى مەكتەپتەر تۋرالى
وڭىردە 145 مەملەكەتتىك جانە 53 جەكە مەنشىك مەكتەپ، نازارباەۆ زياتكەرلىك مەكتەبى جانە 2 ءبىلىم-يننوۆاتسيا ليتسەيى جۇمىس ىستەيدى.
وبلىس بويىنشا 188 مىڭنان استام وقۋشى ءبىلىم الادى، 16 مىڭنان استام پەداگوگ جۇمىس جاسايدى.
