قر پرەمەر-ءمينيسترىنىڭ ورىنباسارى — مادەنيەت جانە اقپارات ءمينيسترى ايدا بالاەۆا مۋزىكانت يمانبەك زەيكەنوۆكە مەملەكەتتىك ناگرادانى سالتاناتتى تۇردە تابىستادى، دەپ حابارلايدى "ادىرنا".
«قۇرمەت» وردەنىمەن كونفەسسياارالىق جانە دىنارالىق ديالوگتىڭ حالىقارالىق ورتالىعى جانىنداعى سەزدىڭ باستامالارىن ىسكە اسىرۋ دەپارتامەنتىنىڭ بۇرىنعى باسشىسى قارلىعاش قاليلاحانوۆا جانە «گرەممي» جۇلدەسىن العان تۇڭعىش قازاقستاندىق مۋزىكانت يمانبەك زەيكەنوۆ ماراپاتتالدى. ال، ەركەبۇلان توقتار «قازاقستاننىڭ ەڭبەك سىڭىرگەن قايراتكەرى» اتاعىنا يە بولدى. بارشاڭىزدى شىن جۇرەكتەن قۇتتىقتايمىن! يگىلىكتى جولداعى قاجىرلى ەڭبەكتەرىڭىز ءۇشىن العىس بىلدىرەمىن”، — دەدى مينيستر.
رەسپۋبليكا كۇنىنە وراي پرەزيدەنت جارلىعىمەن ەلىمىزدىڭ قوعامدىق جانە ەكونوميكالىق دامۋىنا ۇلەس قوسقان بىرقاتار ازامات ماراپاتتالعان ەدى. ءمينيستردىڭ ايتۋىنشا، سول ازاماتتاردىڭ كەيبىرى شەتەلدە جۇرگەندىكتەن، ءوز سىيلىعىن ۋاقتىلى الا الماعان.
