ءانشى، قر حالىق ءارتىسى ماقپال ءجۇنىسوۆا ءوز ومىرىنەن سىر شەرتتى، دەپ حابارلايدى "ادىرنا" ۇلتتىق پورتالى Turkystan.kz-كە سىلتەپ.
ونەر يەسى جۋرناليست دينا تولەپبەرگەننىڭ باعدارلاماسىنا سۇحبات بەرىپ، زامانبەك نۇرقادىلوۆ تۋرالى تاعى ءبىر اقپاراتتى ايتتى.
“مەن ول كىسىنىڭ ەسىگىن قاعىپ، بوساعاسىنا بارىپ “مەنى الشى” دەپ جالىنعان ەمەسپىن. ءتىپتى ول كىسىگە عاشىق تا بولماعانمىن. جاقسى دا كورگەن جوقپىن. زاكەڭ ءوزى دەگەنىن جاساپ، قالاۋىن ورىندادى. “شەشەڭ بەرسە دە، بەرمەسە دە الامىن” دەدى. قولىندا بيلىگى بولدى. اينالاسىندا ءبىز قورقاتىن ادامدار بولدى. العاش كەزدە ءبىز ول كىسىدەن قورىقتىق. كەيىن بارىپ، سىيلاستىق ورنادى. ال زاكەڭ ورنىنان ءتۇسىپ قالعاندا، مەن دە كەتىپ قالسام، حالىق شۋلايتىن ەدى. “باستىق بولعاندا قاتىنى بولىپ ەدى، بيلىكتەن كەتكەندە ماقپال دا كەتىپ قالدى” دەپ سوگەتىن ەدى. قيىن ساتتە جانىندا قالدىم. ەكەۋمىز دە اكەسىز وستىك. ول دا مەن سياقتى قايىرشى بولاتىن. بيلىك تە قولدان كەتتى. بايلىعى دا بولمادى. ول جاقپەن وشتەسەتىندەي جالعىز زاكەڭ ەمەس ەكى قاتىن العان. 10 قاتىن دا الىپ جاتقاندار بار. 1991 جىلى شاڭىراق كوتەردىك، 1998 جىلى زاڭدى نەكەگە تۇردىق. كەيدە اشۋلانىپ كەلگەندە، “ۇرپاقتارىڭىز بار، بارىڭىز سول جاققا” دەپ ايتامىن. “جوق، قايتپايمىن” دەيتىن. مەن ول كىسىنىڭ جولىن بايلاعان جوقپىن”، – دەدى حالىق ءارتىسى.
