بۇگىن قازاق كسر-ءى مەن قازاقستان رەسپۋبليكاسىنىڭ مەملەكەت جانە قوعام قايراتكەرى، ساياساتكەر زامانبەك نۇرقادىلوۆتىڭ تۋعانىنا - 80 جىل.
زامانبەك قالابايۇلى 1944 جىلى الماتى وبلىسى، نارىنقول اۋدانىندا ومىرگە كەلگەن.
1985 - 1992 - الماتى قالالىق اتقارۋ كوميتەتىنىڭ توراعاسى;
1992 - 1994 - الماتى قالاسىنىڭ اكىمى;
1995 - 1997 - قازاقستان رەسپۋبليكاسى پارلامەنتى ءماجىلىسىنىڭ دەپۋتاتى;
1997 - 2001 - الماتى وبلىسىنىڭ اكىمى;
2001 - 2004 - قازاقستان رەسپۋبليكاسى توتەنشە جاعدايلار اگەنتتىگىنىڭ توراعاسى قىزمەتىن اتقاردى.
ساياساتكەر 2005 جىلدىڭ 12 قاراشاسىندا ءوز ۇيىندە دەنەسىندەگى اتىلعان ءۇش وعىمەن ءولى كۇيىندە تابىلدى. ەكى وق كەۋدەسىنە تيگەن، بىرەۋى باسىنا تيگەن. بولعان وقيعانىڭ رەسمي نۇسقاسى بويىنشا ءوز-وزىنە قول جۇمساعان دەپ تانىلدى. ول الماتىداعى «كەڭساي» زيراتىنا جەرلەنگەن.
ايتا كەتەيىك، زامانبەك نۇرقادىلوۆ ءومىرىنىڭ سوڭىنا قاراي وپپوزيتسيادا بولدى. قازاقستاننىڭ تۇڭعىش پرەزيدەنتى نۇرسۇلتان نازارباەۆتى اشىق سىناپ، ونى "بيلىكتى زاڭسىز يەمدەنىپ، جەمقورلىق جاسادى" دەپ ايىپتاعان بولاتىن.
ەسكە سالايىق، كەشە قازاقستان پرەزيدەنتى قاسىم-جومارت توقاەۆ زامانبەك نۇرقادىلوۆكە تۋعان اۋىلىندا ەسكەرتكىش تۇرعىزۋعا ۇيعارعانىن حابارلاعان ەدىك.
