"قازمۇنايگاز" ۇك اق باسقارما توراعاسىنىڭ ورىنباسارى بەكزات ابايىلدانوۆ بۇرعىلاۋ جۇمىستارى باسقارماسى قىزمەتكەرلەرىمەن كەزدەستى، دەپ حابارلايدى "ادىرنا" ۇلتتىق پورتالى.
توراعا ورىنباسارى جۇمىسشىلاردى جۇمىسقا شىعۋعا شاقىردى.
2024 جىلى 12 قاراشادا "وزەنمۇنايگاز" اق-عا قاراستى بۇرعىلاۋ جۇمىستارى باسقارماسى قىزمەتكەرلەرىنىڭ كاسىپوداعى رۇقساتسىز اكتسيا ۇيىمداستىرىپ، بىرقاتار تالاپ قويعانى بەلگىلى.
ودان بولەك، 2024 جىلى 3 جەلتوقساندا "قازمۇنايگاز" ۇك اق باسقارما توراعاسىنىڭ ورىنباسارى بەكزات ابايىلدانوۆ بۇرعىلاۋ جۇمىستارى باسقارماسى قىزمەتكەرلەرىمەن كەزدەسىپ، ولاردى جۇمىسقا شىعۋعا شاقىردى.
"رۇقساتسىز اكتسياعا قاتىسقان بجب قىزمەتكەرلەرى تولىق قۇرامدا جۇمىسقا شىعۋى كەرەك;
حاتتامانىڭ ءبىرىنشى تارماعى ورىندالعان جاعدايدا، جۇمىسشىلارعا “قازمۇنايگاز" جانە "وزەنمۇنايگاز" تاراپىنان تارتىپتىك جازا قولدانىلمايدى;
بارلىق قويىلعان تالاپ قر زاڭناماسىنا سايكەس بىتىمگەرلىك كوميسسيا وتىرىسىندا قارالسىن", - دەلىنگەن حاتتامادا.
حاتتاما رۇقساتسىز اكتسياعا شىققان جۇمىسشىلاردىڭ نازارىنا جەتكىزىلدى. الايدا، "وزەنمۇنايگاز" بۇرعىلاۋ جۇمىستارى باسقارماسى كاسىپوداق توراعاسى وعان قول قويۋدان باس تارتتى.
ايتا كەتەيىك، وتكەن ايدا اقتاۋدا «قازمۇنايگاز» ۇك اق ەنشىلەس كاسىپورنى «Oil Construction» كومپانياسىنىڭ جۇمىسشىلارى ەرەۋىلگە شىققان بولاتىن.
