مەملەكەت باسشىسى «ادام ساۋداسىنا قارسى كۇرەس تۋرالى» قر زاڭىنا قول قويدى. زاڭدا قۇل ەڭبەگىن قاناۋ، جىنىستىق تيىسپەۋشىلىك، قايىرشىلىق، ادامداردى قارۋلى توپقا پايدالانۋ، ەرىكسىز نەكە، اعزالاردى ساۋدالاۋ، اسىراپ الۋ جەلەۋىمەن نارەستەنى شەتەلگە ساتۋعا جول بەرمەۋ سىندى ازاماتتاردىڭ قۇقىقتارىن جۇزەگە اسىرۋ كوزدەلگەن.
اتالمىش زاڭدى شەتەل ازاماتتارىن جۇمىسپەن قامتىپ وتىرعان كاسىپكەرلىك جانە شارۋاشىلىق يەلەرىنە ءتۇسىندىرۋ، سونداي-اق ادام ساۋداسى، ەسىرتكى، الاياقتىق قىلمىستاردىڭ الدىن الۋ ماقساتىندا باتىس قازاقستان وبلىسىنا قاراستى بايتەرەك اۋداندىق ىشكى ساياسات ءبولىمىنىڭ تاپسىرىسى بويىنشا «ادام، ەسىرتكى ساۋداسىنىڭ الدىن الۋ ماقساتىنداعى ءىس-شارالاردى ۇيىمداستىرۋ جانە وتكىزۋ» جوباسى شەڭبەرىندە رەيد جۇمىستارىن جۇرگىزدى.
ادام ساۋداسىمەن كۇرەس، ەسىرتكى زاتتارىن ساتۋدىڭ الدىن الۋ جانە «الاياقتاردان ساق بولىڭىز!» تاقىرىبىندا اتالعان ماسەلەمەن بەتپە-بەت كەلگەن ازاماتتار حابارلاسا الاتىن جەدەل جەل تەلەفوندارى، قۇقىق قورعاۋ قۇرىلىمدارىنىڭ مەكەنجايى كورسەتىلگەن 1 000 دانا بروشيۋرا تاراتىلدى. بايتەرەك اۋداندىق كوشى-قون پوليتسياسىنىڭ مالىمەتىنە سۇيەنسەك، قازىرگى تاڭدا بايتەرەك اۋدانى بويىنشا 1 137 شەتەل ازاماتى جۇمىسقا تارتىلعان. ونىڭ ىشىندە پريۋرال اۋماعىندا 756, پەرەمەتنىي باعىتىنداعى اۋىلداردا 381 ادام تىركەلگەن. Iس-شارا بارىسىندا ەگىن شارۋاشىلىعىمەن اينالىساتىن «ۋروجاي»، «ارتۋر»، «كۋجاەۆ»، «پوگوداەۆ»، «جاڭا الەم» شارۋا قوجالىقتارى مەن اسان اۋىلىندا تاسقىننان زارداپ شەككەندەرگە ارنالعان ءۇي قۇرىلىسىن جۇرگىزىپ جاتقان «ۋرازباەۆا» جەكە كاسىپكەرلىگى تەكسەرىلىپ، جۇمىسشىلاردىڭ ەڭبەگىنە ساي ۋاقتىلى جالاقى الۋى، تۇرعىن ءۇي، تاماقپەن قامتاماسىز ەتىلۋى، تاۋلىكتەگى جۇمىس ۋاقىتىنىڭ ساقتالۋى جانە قۇجاتتارى تەكسەرىلدى. شەتەل ازاماتتارىنىڭ قۇجاتتارىنان زاڭبۇزۋشىلىق انىقتالمادى. ولاردىڭ تاراپىنان جۇمىس بەرۋشىلەرگە شاعىم تۇسپەدى.
ماۋسىمدىق جۇمىستارداعى اي سايىنعى ايلىقتارى 400-500 دوللاردى قۇرايدى. جۇمىس كۇنى 8 ساعاتتان اسپايتىنىن ايتادى.
ايتا كەتۋ كەرەك، شەتەل ازاماتتارىنىڭ مۇددەسى قر «حالىقتىڭ كوشى-قون تۋرالى» زاڭىمەن جانە ەڭبەك قۇقىقتارى قر «ەڭبەك كودەكسىمەن» رەتتەلەدى. سونداي-اق ەگەر اتالعان دەرەكتەرگە قاتىستى زاڭسىزدىقتار تىركەلسە پوليتسيا جانە ميگراتسيا قىزمەتى زاڭ اياسىندا شۇعىل شارا قابىلداپ، قىلمىستىق كودەكستىڭ ادام ەڭبەگىن زاڭسىز قولدانۋ بابى بويىنشا تەرگەۋ امالدارىن جۇرگىزەدى. اۋدانداعى شەتەلدىك ازاماتتار شارۋا قوجالىقتارىنداعى ماۋسىمدىق جۇمىستار مەن قۇرىلىس سالاسىنا كوپتەپ تارتىلعان. ۇقك قىزمەتكەرلەرى شەتەل ازاماتتارىنىڭ قانداي ءدىن ۇستاناتىنى، ونىڭ اينالاسىنا اسەرى باعىتىندا جۇمىستار جۇرەتىنىن، قر قك 174 بابى (ۇلتتىق، الەۋمەتتىك، رۋلىق، ءدىني، ناسىلدىك الاۋىزدىقتى قوزدىرۋ) جانە 258 بابى (تەرروريستىك نەمەسە ەكسترەميستىك قىزمەتتى قارجىلاندىرۋ) بويىنشا پروفيلاكتيكا وتكىزىلگەنىن ايتادى.
