قر قورعانىس مينيسترلىگى قارۋلى كۇشتەردىڭ بارلىق اسكەري باسقارۋ ورگاندارى، بولىمدەرى مەن مەكەمەلەرى جاڭا جاۋىنگەرلىك وقۋ كەزەڭىنىڭ باستالۋىنا بايلانىستى جوعارى جاۋىنگەرلىك ازىرلىك دەڭگەيىنە جەتكىزىلەتىنىن مالىمدەدى، دەپ حابارلايدى "ادىرنا" ۇلتتىق پورتالى مينيسترلىكتىڭ رەسمي حابارلاماسىنا سىلتەپ.
مينيسترلىكتىڭ حابارلاۋىنشا، جەلتوقسان ايىنىڭ باسىندا اسكەر بولىمشەلەرى دابىل بويىنشا كوتەرىلىپ، پوليگوندار مەن وقۋ-جاتتىعۋ ورتالىقتارىنا مارش جاسايدى. جەكە قۇرام مەن اسكەري تەحنيكانى جاتتىعۋ ورىندارىنا جەتكىزۋ ءۇشىن كەشەندى تاكتيكالىق-ساپتىق ساباقتار وتكىزىلەدى.
وقۋ-جاتتىعۋلارعا بايلانىستى وڭىرلەردەگى جولداردىڭ كەيبىر ۋچاسكەلەرىندە ۋاقىتشا قوزعالىس شەكتەلۋى مۇمكىن. مينيسترلىك ازاماتتاردان جالعان اقپارات تاراتپاۋدى جانە تەك رەسمي دەرەككوزدەرگە سەنۋدى سۇرادى.
پرەزيدەنت قاسىم-جومارت توقاەۆ 22 قاراشادا پرەمەر-مينيسترگە، قۇقىق قورعاۋ ورگاندارىنىڭ باسشىلارىنا جانە اكىمدەرگە ۋكراينا توڭىرەگىندەگى جاعدايدىڭ ۋشىعۋىنا بايلانىستى نەگىزگى اسكەري جانە ازاماتتىق نىسانداردىڭ قاۋىپسىزدىگىن قامتاماسىز ەتۋ بويىنشا شۇعىل شارالار قابىلداۋدى تاپسىرعان بولاتىن.
