ۇلان قونىسباەۆ ستانيسلاۆ چەرچەسوۆقا قاتىستى پىكىر ءبىلدىردى، دەپ حابارلايدى “ادىرنا” ۇلتتىق پورتالى.
قازاقستان ۇلتتىق قۇراماسىنىڭ بۇرىنعى ويىنشىسى ۇلان قونىسباەۆ قۇرامانىڭ باس باپكەرى ستانيسلاۆ چەرچەسوۆتىڭ جۇمىسىنا كوڭىلى تولمايتىنىن اشىق ايتتى.
“ەگەر مەندە مۇمكىندىك بولسا، چەرچەسوۆتى قىزمەتىنەن ءبىرىنشى بولىپ بوساتار ەدىم! قۇرامانىڭ قازىرگى ويىنىن كورىپ، ءبارى تۇسىنىكتى بولادى،” – دەدى قونىسباەۆ ءبىزدىڭ تىلشىمىزگە بەرگەن سۇحباتىندا.
ۋەفا ۇلتتار ليگاسىنىڭ وسى كۇزدە وتكەن التى ماتچىندا قازاقستان قۇراماسى چەرچەسوۆتىڭ جەتەكشىلىگىمەن بەس رەت جەڭىلىپ، تەك ءبىر كەزدەسۋدە تەڭ وينادى. سونىمەن قاتار، بۇل كەزەڭدە نورۆەگيا، اۆستريا جانە سلوۆەنيا قۇرامالارىنا قارسى ويناعان قازاقستاندىق فۋتبولشىلار بىردە-ءبىر گول سوعا المادى.
ايتا كەتەيىك، فۋتبولدان قازاقستان قۇراماسى ۇلتتار ليگاسىنىڭ سوڭعى ويىنىندا نورۆەگيا قۇراماسىنان 5:0 ەسەبىمەن جەڭىلىپ قالعان ەدى.
