بيىلعى جىلى جەتىسۋ وبلىسى قوعامدىق دامۋ جانە ءبىلىم باسقارمالارىنىڭ ۇيىمداستىرۋىمەن وقۋشىلار اراسىندا مەكتەپ پارلامەنتىن دامىتۋعا، ءبىلىم الۋشىلاردىڭ قوعامدىق جۇمىستارعا ارالاسۋىنا، ءوز ويلارىن ەركىن جانە اشىق ايتۋعا، يدەيالارىمەن ءبولىسىپ، جوبالارىن ىسكە اسىرۋعا قولداۋ كورسەتۋ ماقساتىندا ارنايى جوبا ىسكە اسىرىلدى.
جەتىسۋ وبلىسى وقۋشىلارىنىڭ بەلسەندىلىگى قۋانتادى. ەڭ الدىمەن ءوڭىر باسشىسى ب.يساباەۆپەن ەركىن فورماتتا كەزدەسىپ، كوكەيدە جۇرگەن سۇراقتارىن قويىپ، وزدەرىنىڭ بىرقاتار جوبالارىنا قولداۋ تاپقان بولاتىن. سونىمەن قاتار، وبلىس باسشىسىنىڭ شەشىمىمەن مەكتەپ پارلامەنتىنىڭ 1 وكىلى، جاس كوشباسشى «جاستار ماسەلەلەرى جونىندەگى كەڭەسكە» مۇشە بولىپ ەندى.
جوبا اياسىندا وقۋشىلار اراسىندا جازعى، قىسقى لاگەرلەر، وقىتۋ كۋرستارى، سەمينار-ترەنينگتەر، ينتەللەكتۋالدىق ويىندار جانە ت.ب. شارالار ۇيىمداستىرىلۋدا.
قورىتىندى شارالاردىڭ ءبىرى رەتىندە اعىمداعى جىلدىڭ 13 قاراشا كۇنى تالدىقورعان قالاسى وقۋشىلار سارايىندا بالالار-جاسوسپىرىمدەر قوزعالىسى كوشباسشىلارىنىڭ «ارەكەت ۋاقىتى» وبلىستىق بالالار قۇرىلتايى ءوتتى.
جەتىسۋ وبلىسىنىڭ بارلىق اۋدان، قالالارىنان كەلگەن بەلسەندى بالالار، جاسوسپىرىمدەر قوزعالىسىنىڭ 100 وكىلى وقۋشىلاردىڭ ءوزىن-ءوزى باسقارۋ، كوشباسشىلىق، مەدياتسيا، عىلىم، ونەر، سپورت سالاسىنداعى بىلىمدەرىن كەڭەيتۋ ءۇشىن جينالدى. شارادا مەكتەپ پارلامەنتتەرىنىڭ پرەزيدەنتتەرى، پىكىرسايىسشىلار، مەكتەپ مينيسترلەرى، بەلسەندى جانە شىعارماشىلىق تۇلعالار، كەز كەلگەن ماقساتقا جەتۋگە دايىن كوشباسشىلىعى باسىم جاسوسپىرىمدەر قاتىستى.
وبلىستىڭ 8 اۋدان 2 قالاسىن تانىستىرىپ كەلىپ وتىرعان مەكتەپ پارلامەنتىنىڭ پرەزيدەنتتەرى جانە مينيسترلەرى جەتكەن جەتىستىكتەرىن كورمەگە قويىلعان جۇمىستارى رەتىندە تانىستىرىپ كورسەتتى.
وبلىستىق قۇرىلتاي ءاربىر جاستىڭ ءوز داعدىلارىن كورسەتە الاتىن، ءوز يدەيالارىن بىلدىرە الاتىن جانە مەكتەپ پارلامەنتىنىڭ دامۋىنا ۇلەس قوسا الاتىن ەكسپەريمەنتتەرگە تولى بىرەگەي الاڭعا اينالدى.
دارىندى جاس كوشباسشىلار ترەنينگتەرگە جانە كەزدەسۋلەرگە قاتىسىپ، ءارتۇرلى يدەيالاردى تالقىلادى، تاجىريبە الماستى جانە ءبىر-ءبىرىن جاڭا جەتىستىكتەرگە شابىتتاندىردى.
ايتا كەتەتىن ءجايت، شاراعا قاتىسۋشى جاستارعا وبلىستىق ءۇش كۇندىك قىسقى لاگەرگە جولداما بەرىلدى.
قۇرىلتايدىڭ بارلىق قاتىسۋشىلارىنا بارلىق ىزگى ارماندارى ورىندالىپ، بولاشاقتارى جارقىن بولىپ، ەگەمەندى ەلىمىزدىڭ بىلىكتى ازاماتتارى بولۋىن تىلەيمىز.
